Video
Read full review
2017-03-23
230 views
山長水又遠甘黎到西營盤站食晚飯!!! 朋友係甘話要食呢間, 所以一早就book好枱, 6點半第一輪, 提提大家, 係有限時嘅, 2小時。喺西營盤站出左之後, 行上好斜嘅斜路就到, 真係唔行唔知身體差, 有啲攰呢。餐廳裝修得時尚有格調, 燈光比較有情調, 有high chair位, 采用open kitchen。餐廳空間不大, 座位應該只有十幾二十人, 雖然枱與枱之間唔闊落, 但唔會覺得迫的。牆身同枱面都用上磁磚, 色彩配搭得唔錯。安排在門口位置, 燈光比較充足, 影相一流。侍應服務好好, 有禮貌, 見朋友大褸冇位置放, 會幫忙掛好大褸喺牆上, 牆上有衣架可以俾客人掛上衣物, 設計都頗貼心。餐牌設計簡約, 幾鍾意邊邊的花紋!!! 有好多唔同嘅款式嘅tapas, 仲有幾款main course可以揀, 唔洗驚唔飽。問左侍應, 佢都推介左tapas同main course。Hansburger用左蒸籠上, 細細粒, 有2個。呢個漢堡仔好得意同fusion, 用上和牛肉扒, 加埋中式嘅饅頭包同醃子薑。唔會覺得奇怪, 出奇地夾到喎, 食落有驚喜。西班牙烘蛋外皮煎得香脆, 內裡蛋軟嫩, 加埋有啲煙
餐廳裝修得時尚有格調, 燈光比較有情調, 有high chair位, 采用open kitchen。餐廳空間不大, 座位應該只有十幾二十人, 雖然枱與枱之間唔闊落, 但唔會覺得迫的。牆身同枱面都用上磁磚, 色彩配搭得唔錯。安排在門口位置, 燈光比較充足, 影相一流。侍應服務好好, 有禮貌, 見朋友大褸冇位置放, 會幫忙掛好大褸喺牆上, 牆上有衣架可以俾客人掛上衣物, 設計都頗貼心。
餐牌設計簡約, 幾鍾意邊邊的花紋!!! 有好多唔同嘅款式嘅tapas, 仲有幾款main course可以揀, 唔洗驚唔飽。問左侍應, 佢都推介左tapas同main course。
Hansburger用左蒸籠上, 細細粒, 有2個。呢個漢堡仔好得意同fusion, 用上和牛肉扒, 加埋中式嘅饅頭包同醃子薑。唔會覺得奇怪, 出奇地夾到喎, 食落有驚喜。
西班牙烘蛋外皮煎得香脆, 內裡蛋軟嫩, 加埋有啲煙肉粒同薯仔, 有口感, 配埋上面嘅汁, 一流。
Crab cake係daily special。蟹餅充滿蟹肉, 而且炸得香脆可口, 配埋芒果醬汁, 酸甜酸甜, 帶出少少蟹肉嘅鮮味。蟹餅食落完全冇食到有蟹殼, 絕對係懶人之選呀!!!!
主菜叫左個乳豬脾配蘋果蓉, 老板話乳豬脾係西班牙3個大嘅BB豬架, 雖然聽落有少少殘忍, 但最後都忍唔住食左。皮脆肉嫩又有汁, 而且肉質仲好淋添。淨食豬脾就有啲騷, 但配埋啲蘋果蓉, 又ok喎, 減左啲騷味。
西班牙海鮮飯上枱就已經令人好奇, 同傳統嘅大鑊上唔同, 用中式瓦煲上, 好得意!! 食落飯入味唔會淋, 啱啱好。仲有蝦, 蜆同豬腩, 加左豬腩多左一份咸香味。餐廳係小店形式, 雖然空間有啲細, 但就好有特色! 而且侍應服務好好, 有禮貌同好幫手。
Post
