Video
Read full review
2021-12-11
1420 views
「又到聖誕，又到聖誕」……聖誕來臨，今年政府o係西九文化區整o左個聖誕小鎮，趕緊約friend 去打咭。不過影相之前都係要食個飯先，直接當埋聖誕大餐，一於食好d，於是揀o左elements o既呢間米芝蓮級菜館，食完行過去夠晒近。餐廳都幾有fusion 特色，暗黑主題俾人感覺時尚，金柒牌匾同地下d mosaic 磚頭又帶出到馬來西亞/客家風情，而好搞笑同時又會用上老夫子畫風o既大幅插圖，有住滿滿o既懷舊氣息。餐廳雖然無推出明確o既聖誕大餐，不過仍然有「暖笠笠二人套餐」同「甜蜜二人餐」揀。兩個特價o左差唔多錢，不過甜蜜二人餐o既原價貴d，好似抵d 咁，哈哈，就叫個甜蜜二人餐($438 未計加一、茶介)。前菜先來一份南薑海南水果沙拉，呢個絕對係我friend 至愛，佢食晒成碗咁滯。紅紅綠綠的一大兜蕃石榴、無花果同士多啤梨，上面瀋上類似係話梅碎；尤其d 蕃石榴幾有咬口，整體鹹鹹又酸酸甜甜，直接刺激你流口水，係會令人幾開胃的~主菜係一個中份size o既天天海南雞，也就是鋪頭名o既名物。佢上臺時靈靈舍舍有個台墊住，別具氣派！鋪檯o既餐紙提到隻雞係鮮雞即日劏，我食o既時候覺得佢好棉滑，無乜纖維o
餐廳都幾有fusion 特色，暗黑主題俾人感覺時尚，金柒牌匾同地下d mosaic 磚頭又帶出到馬來西亞/客家風情，而好搞笑同時又會用上老夫子畫風o既大幅插圖，有住滿滿o既懷舊氣息。
餐廳雖然無推出明確o既聖誕大餐，不過仍然有「暖笠笠二人套餐」同「甜蜜二人餐」揀。兩個特價o左差唔多錢，不過甜蜜二人餐o既原價貴d，好似抵d 咁，哈哈，就叫個甜蜜二人餐($438 未計加一、茶介)。
甜蜜二人餐 ($438)
34 views
0 likes
0 comments
前菜先來一份南薑海南水果沙拉，呢個絕對係我friend 至愛，佢食晒成碗咁滯。紅紅綠綠的一大兜蕃石榴、無花果同士多啤梨，上面瀋上類似係話梅碎；尤其d 蕃石榴幾有咬口，整體鹹鹹又酸酸甜甜，直接刺激你流口水，係會令人幾開胃的~
南薑海南水果沙拉
36 views
0 likes
0 comments
主菜係一個中份size o既天天海南雞，也就是鋪頭名o既名物。佢上臺時靈靈舍舍有個台墊住，別具氣派！鋪檯o既餐紙提到隻雞係鮮雞即日劏，我食o既時候覺得佢好棉滑，無乜纖維o個隻質感。隻雞唔覺佢本身有特別醃製，味道主要由淋上o既特色雞汁帶出o黎。再另附上三款醬汁，其中個辣醬雖然張紙都介紹佢係秘製，不過辣度頗高，還是留番俾其他人試啦~
天天海南雞
11 views
0 likes
0 comments
螺片燉雞湯一人有一碗，清甜滋養。鴛鴦菜花滿滿白飯魚同可能係蝦醬或者XO 醬o既氣息，一昧鹹香。跟住我friend 對黃金軟骨又係讚不絕口，佢內裡脆脆，外層多添一重粉狀口感，雖然係蛋黃但一d 都唔鹹，熱熱的作為零嘴剛好！
螺片燉雞湯
17 views
0 likes
0 comments
黃金軟骨
23 views
0 likes
0 comments
跟餐加o野飲可以打七折，梗係叫埋。堅推介滿滿西瓜、蘋果、西柚、奇異果同百香果籽o既招牌超級水果茶，折o左後才約$27，係超大杯呀救命~ 直情兩個人飲都仲得……另外見佢有款quote 住「薑桃」鴨屎香檸檬茶好似幾gimmick 咁，不過我還是試o左另一個桃膠菊花桂花雪梨茶(折o左後約$18)。非常好飲，桃膠浸o係甜甜o既糖水入面，口感激似燕窩！
招牌超級水果茶 (折o左後約$27)
13 views
0 likes
0 comments
桃膠菊花桂花雪梨茶 (折o左後約$18)
21 views
0 likes
0 comments
跟餐尚有甜品原味豆腐花兩客，似乎係自家製，屬於剛好成型、類似薑汁撞奶o既狀態，係凍o既但係都食到熱豆花先有o既口感！呢餐聖誕大餐非常滿足，要俾5 粒星！
原味豆腐花
12 views
0 likes
0 comments
Post
