圓圓車輪餅

Open Now

Now Closed

呢間鋪頭係我同阿囡每次經過葵芳必定幫襯既小店！由我細個開始就好鍾意食雞蛋仔，但唔係間間舖頭整得好食，即使有啲排晒長龍既舖頭，我試過佢哋既雞蛋仔都係覺得一般，直至有一次我經過呢間試過佢既雞蛋仔後😍，係啦！就係我鍾意既口感同味道啦！由果日開始，我每次經過會幫襯，不過都試過突然惗起好想食，會專登由屯門搭車出去買黎食😂。每次去都會嘗試唔同味道，今次我同阿囡試咗Oreo雞蛋仔同埋阿華田麻薯車輪餅，呢兩樣都唔會太甜，我自己較鍾意雞蛋仔，好香好脆！每次食都覺得好滿足，好幸福🥰。同埋呢間舖頭有好多款唔同味道既雞蛋仔、格仔餅、車輪餅，睇住店主跟住order整唔同既餅，真係好治癒🤣🤣🤣呢間既雞蛋仔真係好好食，而家惗起都好想再食🤤。