甜水 (Closed)

難得放假當然食完飯之後要吹吓水食碗糖水，呢個係香港人嘅習慣。喺廣華街見到一間裝修幾特別嘅糖水店，價錢上仲要幾抵食添。薑湯番薯甜水 $25👍🏻👍🏻👍🏻👍🏻薑湯可以提升免疫力，薑糖番薯糖水可以化痰潤肺止咳，啱晒而家疫情非常時期，飲到靚靚嘅糖水之餘仲可以強身健體。番薯煲得好甜，薯肉黃中透橙。綠豆沙湯圓$38👍🏻👍🏻👍🏻👍🏻👍🏻最消暑清涼嘅感覺就係飲綠豆沙湯圓啦，有得飲綠豆沙之餘仲可以食到湯圓，雙重口感，綠豆沙煲到起晒沙，好有水準。中式嘅糖水真係好有傳統嘅味道，令我懷念以前細個媽咪煮糖水，嚟呢度食糖水真係有家嘅感覺。