Video
Read full review
2023-03-21
2858 views
相關食物：Ardbeg Wee Beastie 5 year old，Customized fresh fruit cocktail (日本柑）Butler 其實我唔係第一次去，今次係第二次，上次去咗去佢哋間6/F Whisky bar，無留意佢有兩層，今次喺𨋢就求其揀咗5/F，後尾先知原來呢層係Cocktail bar 但其實個裝修係一樣，兩層都有cocktails, whiskies, 亦有嘢食（佢廚房喺6/F）所以相信唔使特別一定要去某一層講返正題，今次重訪就係因為上次感覺唔錯，掛住佢哋個明太子意粉所以再訪，點知今次體驗好令人失望，夜晚大約7點上到去，本身打算揀食物再睇嘢飲，但喺睇緊食物menu之際，個bartender 就叫我哋睇飲品先，因為通常係叫咗drinks 先，食物要同廚房confirm 先得，咁我哋就聽佢講叫飲品啦，我哋兩個人，一個叫cocktail，一個叫whiskey，兩樣都係佢recommend，cocktail 就係customized 當日水果（日本柑），whiskey 就介紹咗佢話新到嘅Ardbeg Wee Beastie 5y 飲品大約15分鐘內到咗，但
Butler 其實我唔係第一次去，今次係第二次，上次去咗去佢哋間6/F Whisky bar，無留意佢有兩層，今次喺𨋢就求其揀咗5/F，後尾先知原來呢層係Cocktail bar 但其實個裝修係一樣，兩層都有cocktails, whiskies, 亦有嘢食（佢廚房喺6/F）所以相信唔使特別一定要去某一層
講返正題，今次重訪就係因為上次感覺唔錯，掛住佢哋個明太子意粉所以再訪，點知今次體驗好令人失望，夜晚大約7點上到去，本身打算揀食物再睇嘢飲，但喺睇緊食物menu之際，個bartender 就叫我哋睇飲品先，因為通常係叫咗drinks 先，食物要同廚房confirm 先得，咁我哋就聽佢講叫飲品啦，我哋兩個人，一個叫cocktail，一個叫whiskey，兩樣都係佢recommend，cocktail 就係customized 當日水果（日本柑），whiskey 就介紹咗佢話新到嘅Ardbeg Wee Beastie 5y
飲品大約15分鐘內到咗，但嘢食就話可能要耐啲，點知一等就成90分鐘，其間有話要等多陣，又話因為廚房有啲嘢壞咗，到一個半鐘後就話幫我哋取消咗先，因為廚房整唔到，我哋就話咁埋單先因為我哋未食飯，到張單嚟到真係驚嚇，cocktail $178都算，single shot whiskey 收$250，兩樣都係menu 無寫，即係仼佢噏，話收你$500 single shot 都仲得，重點係Ardbeg 呢款whiskey 出面賣緊一枝$4xx，係一枝！而家一啖收我$250（見圖，圖片係未飲過時影）！呢樣真係唔合理，明白餐廳要賺錢一定係貴過自己買，但如果menu係寫得清清楚楚，客人唔會咁不滿，好似俾人呃咁，價錢任佢寫（佢哋真係用手寫單俾你，唔係入機，好懷疑佢係海鮮價！），加上佢哋本身係有每位$200 min charge，同每位$30 入座費，諗返起就更加覺得成件事好唔合理
而且佢哋仲要唔一早講俾客人知無食物俾人，講真呢個時間入座大部分係食晚飯，你90分鐘先同人講無，我哋走時都差不多9點，咁點解一開始迫人叫咗飲品先？諗返起真係覺得有啲存心欺騙成份，要人點都order 啲嘢，最後就算唔俾嘢食都至少收人200幾先走到
今次真係感覺好差，後尾睇返其他人嘅reviews 先發現原來唔係淨係我哋有咁嘅感覺，見到有唔止一個嘅客人都有同樣感覺，有人又係”被”recommend off-menu 嘅嘢飲，之後收$350！而且又有啲等嘢食等好耐嘅經驗
今次寫得有啲長，不過希望將整個過程詳細寫出嚟等大家去之前要小心，如果真係想去試又唔想有俾人呃錢嘅感覺的話就要叫嘢小心啲，最好叫menu 上有價錢嗰啲或者問清楚幾錢先落單！
佢環境同食物係OK，但呢次經驗真係令我好卻步，雖然出去食嘢飲嘢兩位$500幾都預咗，唔貴，但搞到俾人呃咁真係唔好受！
Whisky方面，雖然店員講到呢隻好特別，但飲落一般，無特別驚艷
Cocktail方面，普通，其他bar都做到
Other Info. :
總之最好問清楚價錢先叫，除非你預咗佢話幾錢你都無所謂啦
(The above review is the personal opinion of a user which does not represent OpenRice's point of view.)
Post
