滔滔甜品 (Closed)

今日去開探親戚, 就去左滔滔甜品屯門店食糖水, 呢間甜品鋪係其他地方都有分店, 之前我都食過佢哋西環鋪嘅招牌糖水, 個人最欣賞佢嘅芋圓同埋仙草, 不過由於尋日去嘅時候天氣比較凍所以我決定食熱野😎❇️薑茶芋圓加清心丸我超級推介呢度嘅薑茶芋圓同埋清心丸, 如果你同我都係一樣咁鍾意飲辣嘅薑茶嘅話, 滔滔甜品既薑茶一定合你心水😋芋圓同地瓜圓同西環店一樣都係咁煙韌同有咬口, 配埋唔係度度都有得食嘅清心丸, 真係好滿意呢個糖水, 咁點算好啊下次我應該食仙草芋圓好定係食薑茶芋圓好？！❇️紅豆沙加湯丸小丸子Daddy 就叫咗呢個紅豆沙加湯圓小丸子, 我試咗幾啖發覺佢嘅紅豆沙唔似一般酒樓嘅甘甜咁杰, 個人黎講覺得幾值得試, 加埋湯圓同小丸子就啱晒我哋呢啲想試多啲唔同野嘅人😋題外話, 屯門既滔滔甜品同西環果間既裝修真係好唔同, 一間懷舊一間文青, 好啱影相打咭呀😛