南苑海鮮酒家

Open Now

Now Closed

中午同朋友聚會，去咗呢間餐廳食午餐。服務員介紹咗幾道特色菜，最後我哋決定點咗幾道第一道炭燒乳豬一上桌就散發出濃郁嘅炭香。外皮烤得焦脆酥香，入面柔嫩多汁，肥瘦比例啱啱好，好香又好好食！鮮菠蘿拔絲咕嚕肉酸酸甜甜幾開胃。金黃色嘅咕嚕肉，外脆內嫩，酸甜味道平衡，菠蘿口感清爽，配埋豬肉一齊食，增添咗一份獨特嘅清新感。油浸筍殼魚都唔錯，外皮炸到金黃色，又薄又酥脆，魚肉鮮嫩細膩。佢哋處理得好好，唔會太焦。最後嘅燒肉同冰涼嘅啤酒簡直絕配😋燒肉外皮酥脆，肉質軟嫩又不失彈性，配埋啤酒冰爽嘅口感，中和咗油膩感。一啖肉一啖啤酒，過癮！今次嘅聚餐，大家都食得好開心，對今日嘅食物都好滿意。