北海道食堂 (Closed)

如果區外朋友問我 有冇推薦嘅沙田餐廳，北海道食堂會係其中之一。雖然近排轉型做咗放題 兼且貴咗令我少咗幫襯，但想食鐵板燒嘅晚上總係會諗起佢。今晚揀咗極上放題，鐵板燒、刺身同炸物選擇都幾多。入座揀完食邊隻放題後，職員好熱心地話我地知邊度可以拎野飲，拎咗荔枝紅茶同韓國桃味飲料，後者有啲啖。上菜速度比預期中快。先到嘅清酒煮青口幾肥美，酒味幾重。新鮮炸起嘅雞軟骨（淺色）同墨魚咀（深色），外面裡面都係脆卜卜的。唐揚雞肉質嫩滑。八爪魚丸雖然皮唔夠脆，但味道做得幾似外面嘅章魚燒。主角鐵板燒叫咗鐵板燒大蝦 蠔同帶子，油份好多，煎得好香！蠔肉非常飽滿，每次都必點！大蝦同帶子都係啖啖肉，肉質唔鬆散。刺身不僅賣相吸引而且好新鮮，今日嘅三文魚幾厚身。另一個必點之選 鐵板鵝肝，外脆內軟油脂十足，香味在口中四溢，令人難以忘懷嘅油膩味道。天婦羅種類都好多，今日叫嘅炸蝦、茄子、甜薯、南瓜同多春魚，每款都炸得好好食。不過多春魚入面有膽，所以有一下食落有苦味。令人更滿足嘅 手卷與壽司。特別鍾意手卷嘅紫菜。菇類同牛舌串燒燒得幾香。腩肉都ok。扣分位係雞腎同雞軟骨，實在太乾太咸，由其係雞腎真係食唔到落去。做完食肉獸食吓炒菜中和