INN - I’m Not Nothing (Closed)

INN- I’m not nothing，之前有試過荔枝角分店，氣氛，食物質素都唔錯，所以再之到訪其他分店。今次約左去朋友附近嘅九龍灣E-max分店飯聚一下。餐廳嘅食物同之前食過嘅分店有唔同菜色，而餐牌都係一樣鬼馬俏皮公主系列嘅風格，十分可愛。我同朋友一人叫左一個主食，再share左個小食。小食第一樣上枱，金文拔芝士肉醬薯條，份量都幾大份，肉醬嘅肉碎有咬口，唔會太有免治散修修嘅感覺。仲有芝士粒粒，好香濃嘅芝士味，薯條食得出係新鮮炸起, 好脆，高水準！慢煮巴馬火腿黑松露釀雞卷，配薯蓉。薯蓉好食，有少少甜味，但唔會過甜，質感幼滑，配翠肉瓜粒有咬口。另配沙律菜，有蘆筍，燒車厘茄等等，顏色豐富之餘，配搭均衡。主角雞卷表皮脆身，肉質唔會過多肥肉，食落嫰口，好有油香。一切開裏面好多多菇。裏面嘅黑松露菇微香，吸左d雞油，食落口感豐富，外脆內軟，好特別。飲品揀左杯Expresso tonic，同食有少少油膩感嘅食第好夾，有咖啡香味，仲好有清涼感。