Video
Read full review
2020-03-19
74 views
之前聽朋友講過呢間好食，所以都想試一段時間㗎啦。以為呢排少咗人出街食飯，點知道呢間鋪頭竟然都係人山人海，未至於排長龍，但成間餐廳都冇吉枱，啲人食完好快會又有下一台客。餐廳好近地鐵站，一入商場就見到位置非常方便，唔一定係街坊，特登去食其實都好近。餐廳裝修雖然唔係好華麗，但都叫有少少裝飾嘅，用嘅燈呢就比起一般嘅餐廳高格調少少。座位未至於非常豐富，但都保持一定嘅距離可以好開心咁樣傾偈，唔會話非常之嘈吵，令人食得唔愉快。今次我哋兩個人食叫咗一個沙律，一個刺身，一個鑽石頭一個小食同埋兩杯嘢飲。份量非常之足夠我哋都食得好飽。安格斯牛扒他他沙律（黑醋）💛💛💛💛💛沙律望落唔大份，但食落其實都好多。安格斯牛扒都有八九塊 ，所以性價比好高。牛扒處理得好好，唔會好乾身，反而好友牛肉味就咁食已經好好味。配上沙律嘅鮮同埋黑醋汁，成個沙律係為你既晚餐展開左好大嘅食慾。係一個非常好嘅開頭。田樂麵鼓燒日本米茄子💛💛💛💛個茄子本身好鮮甜，配上佢嗰個麵鼓別有一番風味。3點刺身盛💛💛💛💛呢個刺身有三文魚章紅魚甜蝦。每樣都有三片。三文魚係厚切，食落去三文魚嘅魚油都係依然可以感受到，非常新鮮。至於章紅魚就係簿切但味道都非常之鮮
餐廳裝修雖然唔係好華麗，但都叫有少少裝飾嘅，用嘅燈呢就比起一般嘅餐廳高格調少少。座位未至於非常豐富，但都保持一定嘅距離可以好開心咁樣傾偈，唔會話非常之嘈吵，令人食得唔愉快。
今次我哋兩個人食叫咗一個沙律，一個刺身，一個鑽石頭一個小食同埋兩杯嘢飲。份量非常之足夠我哋都食得好飽。
安格斯牛扒他他沙律（黑醋）💛💛💛💛💛
沙律望落唔大份，但食落其實都好多。安格斯牛扒都有八九塊 ，所以性價比好高。牛扒處理得好好，唔會好乾身，反而好友牛肉味就咁食已經好好味。配上沙律嘅鮮同埋黑醋汁，成個沙律係為你既晚餐展開左好大嘅食慾。係一個非常好嘅開頭。
田樂麵鼓燒日本米茄子💛💛💛💛
個茄子本身好鮮甜，配上佢嗰個麵鼓別有一番風味。
3點刺身盛💛💛💛💛
呢個刺身有三文魚章紅魚甜蝦。每樣都有三片。三文魚係厚切，食落去三文魚嘅魚油都係依然可以感受到，非常新鮮。至於章紅魚就係簿切但味道都非常之鮮甜。甜蝦未至於非常大隻，但都已令人非常滿足。
白咖喱烏冬配雞塊💛💛💛💛💛
呢個烏冬簡直令人驚喜。所謂吧咖喱其實係喺咖喱烏冬上面有一層白色嘅泡。掩蓋着，你開始唔會知道自己食緊啲乜，但係慢慢你就會感受到。咖喱係大有少少辣嘅但係依然都有咖喱嘅香，每一條烏冬都舖滿住濃厚嘅咖喱汁，本身已經好惹味。加上嗰啲泡沫，增添左嗰個烏冬嘅口感。個人認為，白色既泡應該係係由薯仔打出嚟。無論如何，非常值得一試。
青蘋果奇異果梳打💛💛💛
藍柑白桃梳打💛💛💛
至於飲品，未到就不至於非常特別，但賣相就贏曬啦！估唔到依一類型嘅餐廳都竟然可以搵到打卡嘅項目，令人哋嘅晚飯更添喜悅。
Post
