Video
Read full review
2021-12-09
1354 views
好耐冇寫食評啦，但今次因為冇得出國旅行所以黎到一間曾經好熟悉既餐廳，不過今次唔係再係台灣食到，而係第一次係香港食呢間過江龍。實不相暪我同朋友都好期待呢一餐，因為真係好想食返台灣風味既火鍋。首先簡單講下呢到既收費係有最低消費人頭250，而我覺得同台灣一個分別就係湯底係人頭收費，另外會有每枱88蚊鴛鴦鍋收費，我相信係因為無限添加鴨血同豆腐仲有醬油白飯等成本所以決定係香港做人頭式收費。黎到無老鍋當然要飲佢既湯底，呢到個豆腐湯同香辣鍋都係適合一開始淨飲，唔會太濃太咸，另外豆腐湯有豆香，送飯都係一流。鴨血方面我覺得比起台灣食到既散，而豆腐吸湯之後我覺得都同台灣十分相似係值得一讚既。之要講既係今餐最大既敗筆，就係呢個手切牛頸脊，呢碟牛肉係火鍋間黎講價值428聽落都係合理，但上枱之後我地見到呢一刻都呆左，碟牛竟然會咁細碟，本身隻碟都唔係大但仲可以有咁多白邊位，夾起之後感覺更誇張。成件牛肉就只係得咁大塊，係開頭湯底較濃既時候係一啲牛味都冇，去到後來湯底愈來愈淡既時候都一樣食唔到牛肉味更唔需要去諗佢甜唔甜，連油香都係一般🤦🏻♂️剛剛話完佢都要介紹一下比大家呢到比較出色火鍋料我地認為就係招牌三式滑，其中乾
首先簡單講下呢到既收費係有最低消費人頭250，而我覺得同台灣一個分別就係湯底係人頭收費，另外會有每枱88蚊鴛鴦鍋收費，我相信係因為無限添加鴨血同豆腐仲有醬油白飯等成本所以決定係香港做人頭式收費。
麵包豆腐/無老辣香鴛鴦鍋
$68
16 views
1 likes
0 comments
黎到無老鍋當然要飲佢既湯底，呢到個豆腐湯同香辣鍋都係適合一開始淨飲，唔會太濃太咸，另外豆腐湯有豆香，送飯都係一流。鴨血方面我覺得比起台灣食到既散，而豆腐吸湯之後我覺得都同台灣十分相似係值得一讚既。
手切牛頸脊
$428
23 views
0 likes
0 comments
之要講既係今餐最大既敗筆，就係呢個手切牛頸脊，呢碟牛肉係火鍋間黎講價值428聽落都係合理，但上枱之後我地見到呢一刻都呆左，碟牛竟然會咁細碟，本身隻碟都唔係大但仲可以有咁多白邊位，夾起之後感覺更誇張。
成件牛肉就只係得咁大塊，係開頭湯底較濃既時候係一啲牛味都冇，去到後來湯底愈來愈淡既時候都一樣食唔到牛肉味更唔需要去諗佢甜唔甜，連油香都係一般🤦🏻♂️
招牌手工三色滑
$168
18 views
0 likes
0 comments
剛剛話完佢都要介紹一下比大家呢到比較出色火鍋料我地認為就係招牌三式滑，其中乾貝滑感覺都係足料，食落有啖啖乾瑤柱既香味。
濃香豆皮
$102
8 views
0 likes
0 comments
爽脆鵝腸
$88
8 views
0 likes
0 comments
鮮甜蔬菜盤
$108
16 views
0 likes
0 comments
接落黎係幾款比較普通既食材，分別係豆皮，鵝腸同蔬菜盤，豆皮定位有啲尷尬想食到佢既香脆但又想佢吸多啲湯汁，最後感覺都係食返豆腐好食啲😂鵝腸處理乾淨食落都係新鮮爽口既但蔬菜盤感覺有啲太貴，108蚊大部分菜類都係得幾片，不過每片菜都係乾淨完整，唔會有變黃同黑等唔新鮮既感覺。
水蜜桃沙冰
9 views
0 likes
0 comments
食到最後30分鐘左右會跟台灣一樣送上沙冰，今日既水蜜桃沙冰有啲太甜，冇左佢本身想幫客人解油膩既原意，不過見到個沙冰個種儀式感係幾親切。
最後做個小總結，呢到既服務員對答係好有禮貌，但我地唔知係太早到定新開張啲人員未習慣，有啲食材同收費既介紹我地發現有其他枱收到更詳盡既資訊同埋我地第一次想右鴨血同豆腐既時候等左差唔多20分鐘，之後發現佢係一直都預先準備好係醬料枱對面。有另一點對佢服務不滿既地方係我地只有90分鐘既用餐時間，但服務員竟然係最後5分鐘先問我地個湯底仲夠唔夠濃，要唔要加啲原湯湯汁，但其實我地經已打左差唔多70分鐘冇味既湯底，我唔好彩咁連第一碗湯飯都係比較淡，令我對今次體驗十分失望。一開始既湯底的確令我覺得好似食緊台灣無老鍋既感覺，但佢中途上枱既食材同等候加料既時間又令我覺得好失望。去到後面發現佢其實係有原汁湯底同埋開始更加密集式既鴨血同豆腐令我覺得其實佢係有能力做得好，希望之後佢會有所改善，但我短期內真係唔會再幫襯。
Post
