漁舍酸菜魚 (Closed)

我哋一家人一向好鍾意食辣，無論酸辣、麻辣、甜辣，今次去試網上人氣推介既漁舍，聽聞仲會係咁播Mirror嘅歌，作為鏡粉嘅媽媽一定會超開心😆我哋一共叫咗四樣餸菜share 食（川味辣子雞）🐔雞肉外脆內軟，肉質滑溜，辣度啱啱好，沉醉喺Mirror歌嘅媽媽都大讚好味🤣（老乾媽鴨胸）🦆呢碟老乾媽鴨胸， 5分鐘內俾我哋食晒，啖啖肉再配上鴨油嘅香味，非常之滋味又吸引😛（椰香BB鴿）🐦肉腍椰香味濃，咬落去濃郁嘅乳鴿肉汁流岀，超正😻！（水煮牛肉）🦬用左好多香草去煮，牛肉好香辣可口，麻辣香俱全🎖餐廳所有辣嘅菜式都做得非常好，味道唔會過龍👍🏻最緊要有Mirror嘅歌聽，真係好開心呀！