Video
Read full review
2021-05-10
2301 views
一間位於元朗嘅烤魚工房， 幾乎每一晚七點過後都要等位。叫得做烤魚工房當然就係食烤魚啦。大大盆嘅烤魚非常有風味， 有辣有唔辣， 幾乎係每一枱食客嘅必點選擇。魚嘅種類方面，姐姐就最推介呢一款啖啖肉而且唔多骨嘅《江團魚》。呢款係淡水魚，魚骨少，肉厚，而且又無泥味。味道方面， 更加係非常地道， 各款香料由四川直送， 加埋師傅正宗嘅手藝， 唔洗返大陸都可以食到正宗川味。鍾意食辣嘅朋友，可以選擇麻辣，泡椒，川椒嘅口味。由於今次有朋友唔食辣， 所以亦都係我首次嘗試唔辣嘅烤魚， 估唔到一試難忘。今次叫咗外賣同屋企人慢慢歎， 外賣嘅包裝相當整齊， 一啲都唔怕漏， 除咗一大盤酸菜魚， 仲有埋兩罐酒精以及鐵架， 方便喺屋企加熱嚟食， 就算係冇gas爐嘅話都冇有怕。餐具方面亦同樣照顧周到， 食起來相當方便。講返呢盤烤魚， 今次選擇嘅係《蒜香酸菜烤魚》， 一打開個蓋就香氣四溢， 就連屋外嘅走廊都輕易聞到。江團魚嘅肉質嫩滑甜美， 骨嘅位置好容易揀出嚟， 亦都冇細骨， 連小朋友多啱食。鍾意lun骨嘅朋友就更加愛不釋手， 魚頭部分嘅魚骨非常之香口。湯底方便除咗有大量嘅蒜之外， 亦加入咗酸菜， 食喺呢啲酸甜甜， 非常之
叫得做烤魚工房當然就係食烤魚啦。
大大盆嘅烤魚非常有風味， 有辣有唔辣， 幾乎係每一枱食客嘅必點選擇。
魚嘅種類方面，姐姐就最推介呢一款啖啖肉而且唔多骨嘅《江團魚》。
呢款係淡水魚，魚骨少，肉厚，而且又無泥味。
味道方面， 更加係非常地道， 各款香料由四川直送， 加埋師傅正宗嘅手藝， 唔洗返大陸都可以食到正宗川味。
鍾意食辣嘅朋友，可以選擇麻辣，泡椒，川椒嘅口味。
由於今次有朋友唔食辣， 所以亦都係我首次嘗試唔辣嘅烤魚， 估唔到一試難忘。
今次叫咗外賣同屋企人慢慢歎， 外賣嘅包裝相當整齊， 一啲都唔怕漏， 除咗一大盤酸菜魚， 仲有埋兩罐酒精以及鐵架， 方便喺屋企加熱嚟食， 就算係冇gas爐嘅話都冇有怕。
餐具方面亦同樣照顧周到， 食起來相當方便。
講返呢盤烤魚， 今次選擇嘅係《蒜香酸菜烤魚》， 一打開個蓋就香氣四溢， 就連屋外嘅走廊都輕易聞到。
江團魚嘅肉質嫩滑甜美， 骨嘅位置好容易揀出嚟， 亦都冇細骨， 連小朋友多啱食。
鍾意lun骨嘅朋友就更加愛不釋手， 魚頭部分嘅魚骨非常之香口。
湯底方便除咗有大量嘅蒜之外， 亦加入咗酸菜， 食喺呢啲酸甜甜， 非常之醒胃惹味。
而且仲可以隨個人喜好加入各款火鍋配料， 我就最鍾意落娃娃菜，夠索汁。
另外呢度嘅串燒亦相當不錯， 烤豆皮裏面亦加入咗蒜蓉， 鍾意蒜嘅朋友一定愛不釋手。
另外烤羊架風味十足， 加入咗孜然粉同其他香料， 用黎送啤酒最適合不過。
其餘嘅燒牛舌炭，同燒豬頸肉亦相當不俗， 分量大而且入味。
呢一間烤魚的質素相當之高， 難怪長期客滿， 要食嘅朋友真係要早啲去呀。
Post
