Pancake 專門紗織 (Closed)

身為飲食達人嘅我梗係要周圍搵嘢食㗎啦，行過銅鑼灣見到一間新開嘅餐廳🍽，原本睇佢個名以為佢係一間甜品店🥞🧇，點知原來佢仲有好多主食，一入到去就見到好多招財貓🐈掛牆，同埋招財貓🐈‍⬛嘅擺設，好卡哇伊🧸。我點左一個全日早餐🍳，佢嘅全日早餐真係令我大開眼界👀，佢每一樣嘅嘢食都係好有心思🌸，咁佢係有最基本嘅🔅薯餅🔅茄汁豆同埋🔅沙律菜，呢啲平時我哋都會見到，最令我意想唔到嘅佢係會有🔅韓國大肉腸烤，🔅芝士大菇同埋🔅薄餅。我最鍾意食就係佢個芝士大姑，平時出面食都已經要成40至$50 一個，所以佢呢個全日早餐真係超值🈵，佢嘅大菇入邊仲係好Juicy，勁想再encore。佢入面仲有其他好吸引嘅甜品我都係超想試吓嘅，下次一於再嚟打卡，帶多啲朋友嚟一齊可以試多啲唔同嘅嘢。