上海老家 (Closed)

今日嚟到大角咀，成日覺得呢到冇咩好餐廳，淨係得啲舊鋪同車房。今日嚟到上海老家，咁啱想食番餐上海野，就膽粗粗去試下。佢地晚市開六點，我地去到先六點十分左右，就可以入去坐。由於我地太肚餓，所以嗌咗回鍋肉，紅燒茄子，陳醋木耳加兩碗白飯。未食都由至可，一食就停唔到！木耳超開胃，茄子勁惹味，回鍋肉緊加係撈兩碗飯都唔夠！所以食咗一半，我地已經忍唔住再嗌多碗擔擔麵。點知上菜時，碗擔擔麵已經勁香花生味，而且幾大碗，好彩我地有戰鬥力可以KO哂所有美食！正呀！