海鮮站 (Moved) New Location

喺openrice搜尋器中打「海鮮」兩字，首五名內搵到呢間海鮮站，即日下午訂枱食晚飯居然成功，於是便去試一試。由於佢唔近地鐵站，所以要好搵好一陣，一見到就諗：死伙! 間舖咁細，咪有排等? 之後有侍者居然帶我入商場，我先知道我今日會係商場走廊食飯...講真，唔係抱太大期望，但地方乾淨，又唔見小虫虫，不妨一試！兩個人，叫咗： 翡翠螺：好大隻，又新鮮又甜！48蚊6隻，必食！ 中蝦沙律：新鮮水果配合得好好，中蝦都幾新鮮！ 琵琶蝦：一般，比想像中細 龍蝦湯：正！比得上出名的西餐廳。配上脆脆的多士，yummy!! 水晶蟹：今日的主角。本來訂咗加拿大蟹，但因材料問題無得食，所以聽咗推介叫咗$580水晶蟹。侍者果然無介紹錯。蟹肉鮮甜、d羔又香又滑又鮮，好少食到咁正的羔 (一般都會有少少腥)。所以就算好罪惡都食得一乾二淨。我地覺得物有所值! 籠仔芥蘭：一般，都幾好味。成餐飯最令人窩心的是服務一流，上菜十分細心，令人食得好舒服。