Video
Read full review
2020-02-17
440 views
日本放題但唔食生野？打邊爐任飲任食太肥膩？酒店自助餐太貴？香港地有好多唔同花款嘅任飲任食，呢間酒樓有呢個點心放題，我當然要同我家人去食下啦！星期六日假期既下午點心放題只係$168，晚上貴啲但豐富好多，我同家人只想食點心，所以選擇下午嚟。好多張點心紙，入面有唔同嘅點心任君選擇，我地當然樣樣都叫少少，睇下邊樣好食!野食未嚟之前，每位送上鮑魚燕窩蛋撻，當然免費嘅唔會好大粒，但鮑魚味濃郁，蛋撻皮鬆脆，我家兩老食完龍顏大悅~另外仲有每位送灌湯餃，入面真係好足料，有花膠魚肚，湯底仲好清甜，抵讚！跟住我地叫嘅野逐一送上，腸粉、燒賣、蝦餃一定唔少得，仲有蘿蔔糕、春卷、釀茄子，呢度勝在你叫幾多佢就嚟幾多，而且樣樣野食都係熱上，唔係預先整定。另外仲有啲特別野食：迷你叉燒飯唔會好大碗，有一隻煎蛋放上面，又靚又好食！叫到成枱都係點心，而且樣樣質素都好高，望出去風景係一片維港，喺呢度同家人spend一個寫意嘅下午，兩老實在滿意，下次可以再encore!
好多張點心紙，入面有唔同嘅點心任君選擇，我地當然樣樣都叫少少，睇下邊樣好食!
野食未嚟之前，每位送上鮑魚燕窩蛋撻，當然免費嘅唔會好大粒，但鮑魚味濃郁，蛋撻皮鬆脆，我家兩老食完龍顏大悅~
另外仲有每位送灌湯餃，入面真係好足料，有花膠魚肚，湯底仲好清甜，抵讚！
跟住我地叫嘅野逐一送上，腸粉、燒賣、蝦餃一定唔少得，仲有蘿蔔糕、春卷、釀茄子，呢度勝在你叫幾多佢就嚟幾多，而且樣樣野食都係熱上，唔係預先整定。
另外仲有啲特別野食：迷你叉燒飯
唔會好大碗，有一隻煎蛋放上面，又靚又好食！
叫到成枱都係點心，而且樣樣質素都好高，望出去風景係一片維港，喺呢度同家人spend一個寫意嘅下午，兩老實在滿意，下次可以再encore!
Post
