Video
Read full review
2015-12-11
273 views
今日lunch同同事去加拿芬道「掃街」，食完紫菜飯卷，見到呢間Mango X'press正在試業，餐廳主打愛文芒果甜品，正喎，又去試下。舖頭細細，但似乎選擇唔少，同店主吹下水，睇下佢有咩介紹。佢話有小食、甜品、飲品，我睇下小食有咩，見到係炸雞同炸花枝丸，即刻個心藐左一下：唔係卦，全世界都係一樣味架啦。可能我個樣太衰，店主都睇得出，佢就話勒：「我地既炸雞同花枝丸加左愛文芒果醬汁，味道好夾架。」竟然識讀心術？你好野，就要一個兩溝($20/5件；$32/10件)。黎到勒，炸雞同花枝丸都炸得香口，面層黃色既，就係用愛文芒果加沙律醬打出黎既秘製醬汁，店主果然無呃我喎，個醬酸酸甜甜，好開胃，同小食好夾，無介紹錯。既然咁好介紹，不如推介多個甜品黎。佢就介紹左佢地既招牌甜品「Mango X'press」($68)，呢個產品新推出，連餐牌上面都未有。好，雖然無相，但大家出黎食講個信字，就要一個啦。一拎出黎，嚇一跳，都幾大份，兩個女仔夠晒食，而且造型好靚：下面係一杯色彩繽紛既飲品，上面係窩夫甜品，一次過可以滿足飲野同食甜品兩個願望。先食上層既甜品。為左方便大家邊行邊食，窩夫已經切好晒一片片，摘一塊，用匙羮
舖頭細細，但似乎選擇唔少，同店主吹下水，睇下佢有咩介紹。佢話有小食、甜品、飲品，我睇下小食有咩，見到係炸雞同炸花枝丸，即刻個心藐左一下：唔係卦，全世界都係一樣味架啦。可能我個樣太衰，店主都睇得出，佢就話勒：「我地既炸雞同花枝丸加左愛文芒果醬汁，味道好夾架。」竟然識讀心術？你好野，就要一個兩溝($20/5件；$32/10件)。
黎到勒，炸雞同花枝丸都炸得香口，面層黃色既，就係用愛文芒果加沙律醬打出黎既秘製醬汁，店主果然無呃我喎，個醬酸酸甜甜，好開胃，同小食好夾，無介紹錯。既然咁好介紹，不如推介多個甜品黎。佢就介紹左佢地既招牌甜品「Mango X'press」($68)，呢個產品新推出，連餐牌上面都未有。好，雖然無相，但大家出黎食講個信字，就要一個啦。
一拎出黎，嚇一跳，都幾大份，兩個女仔夠晒食，而且造型好靚：下面係一杯色彩繽紛既飲品，上面係窩夫甜品，一次過可以滿足飲野同食甜品兩個願望。
先食上層既甜品。為左方便大家邊行邊食，窩夫已經切好晒一片片，摘一塊，用匙羮仔將配料：忌廉、愛文芒果雪糕、粒粒新鮮芒果肉，放到窩夫上面，一咬，好味！個窩夫焗到好脆，有蛋香，再加埋新鮮美味既配料，天衣無縫。
到下層既飲品勒，有兩個飲法。首先係逐層顏色試下咩味，三層味道分別係芒果、草莓、梳打，芒果同草莓係水果甜味，至於梳打就比較淡味既梳打水；然後就將三種味道攪勻，咁你就會明白，點解剛才三層有D甜、有D淡勒，因為而家咁溝埋，味道就啱啱好。剛才食完窩夫渴渴地，而家飲番呢個正好解渴。
以為咁就完？未架，飲到落底，原來仲有愛文芒星星啫喱，喂老闆，駛唔駛咁首尾呼應呀。星星啫喱好靚，有淡淡既芒果味，煙煙靭靭，好味。同老闆再吹多兩句，原來Mango X'press就係赫德道Mango Cha Cha既姊妹店，果邊有得坐，呢邊就主打外賣，佢希望可以響X'press研發多D新口味，然後再將產品帶回Cha Cha。好吖，有heart，祝你生意興隆，一本萬利。
Post
