Video
Read full review
2019-04-19
1271 views
朋友上次去完復仇者餐廳，力讚食物水準高，提議要帶我們去朝聖，終於喺長假期單嘅今晚成團，八個人一齊去食餐勁嘅！聽講間餐廳係由全民造星嘅其中一個仔仔Jason所開，估唔到一上到去，已經見到佢帶住圍裙招待我哋。自問唔係佢fans，純粹為品嚐美食，由於我哋有八個人，亦非常肚餓，所以幾乎叫咗餐牌上9成食物！一定要讚芝士黑松露煎餃，真係好好好好好好食呀！而且仲係佢哋自己包嘅，餡料份量十足，食落黑松露味道較重，但又冇蓋過芝士嘅味道，可惜我哋去到已經係最後8隻，冇得加單了鹹蛋黃薯條亦都非常美味，對於我哋呢啲勁鍾意黃金乜乜乜嘅年青人嚟講，特別啱口味，而且薯條係新鮮炸起，食嗰陣差啲”辣”親條脷！呢碟靚到藝術品嘅冷豆腐，美味在個醬汁睇落好似好辣，其實唔辣但好惹味，可惜8個人分每人只可以食一啖，有啲唔夠喉。傳說中嘅普洱茶香雞翼，我就略嫌普洱茶味唔夠濃，不過我欣賞呢味餸嘅創意！到咗主菜，呢碟慢煮茶葉炆豬腩仔，炆得超淋但啲肉唔”梅”到，盡顯廚師功架！之後一定一定要講呢個所有人都讚好食嘅招牌carbonara 炒腸粉，香港人對腸粉係有一種情意結，間唔時就會抽起條根想食，加上用carbonara 汁嘅炒腸粉，真係超有
自問唔係佢fans，純粹為品嚐美食，由於我哋有八個人，亦非常肚餓，所以幾乎叫咗餐牌上9成食物！
一定要讚芝士黑松露煎餃，真係好好好好好好食呀！而且仲係佢哋自己包嘅，餡料份量十足，食落黑松露味道較重，但又冇蓋過芝士嘅味道，可惜我哋去到已經係最後8隻，冇得加單了
鹹蛋黃薯條亦都非常美味，對於我哋呢啲勁鍾意黃金乜乜乜嘅年青人嚟講，特別啱口味，而且薯條係新鮮炸起，食嗰陣差啲”辣”親條脷！
呢碟靚到藝術品嘅冷豆腐，美味在個醬汁睇落好似好辣，其實唔辣但好惹味，可惜8個人分每人只可以食一啖，有啲唔夠喉。
傳說中嘅普洱茶香雞翼，我就略嫌普洱茶味唔夠濃，不過我欣賞呢味餸嘅創意！
到咗主菜，呢碟慢煮茶葉炆豬腩仔，炆得超淋但啲肉唔”梅”到，盡顯廚師功架！
之後一定一定要講呢個所有人都讚好食嘅招牌carbonara 炒腸粉，香港人對腸粉係有一種情意結，間唔時就會抽起條根想食，加上用carbonara 汁嘅炒腸粉，真係超有創意，我食過好多出事嘅carbonara ，有啲煮到個汁水汪汪，有啲就杰撻撻，呢啲反而剛好，估唔到個味可以夾到腸粉，8個人每人分得兩條實在唔夠，最後我哋再追加多一份。
用中文歌詞做飲品名，雖然同杯茶嘅材料完全無關，但叫得過癮！我呢杯洛神花荔枝紅茶，溝埋有少少似利賓納，非常特別。
其實睇到啲嘢唔算細啲，只係我哋8個人分，每樣都只可以淺嘗，不過可以差不多試晒啲餸係好開心嘅！基本上每樣食物都非常美味，全部即叫即整，雖然要逐碟逐碟上菜，但絕對值得等！
溫馨提示：目測店舖只可以容納12人，如果想幫襯，記得訂位！
Post
