Video
Read full review
2016-04-04
1333 views
約左位朋友去Mini Club傾計食野，聽聞佢地既手工啤酒唔錯會有驚喜，膽粗粗既我跟左朋友黎飲番杯XD遠處望去，充滿酒吧既風格，我之前去過銅鑼灣果間，估唔到事隔差唔多半年再次黎到mini club 環境燈光昏暗，加上背景流行歌既襯托，成個氣氛都唔錯，岩晒一班朋友黎聚會傾計窗口位更有feel，不過我地一早黎到，都已經見窗口位比人book晒枱，好搶手！ 車打芝士焗薯條，岩岩上既時間熱騰騰，芝士半溶狀態，薯條食落去好香脆，個SIZE適中，芝士味咸得黎好香，同個薯條幾搭 生蠔，同朋友揀選左兩隻法國生蠔、兩隻美國生蠔，美國生蠔海水味較重，肉質爽厚，蠔味鮮濃金屬味較重，而法國生蠔味道則較鮮甜，比美國的海水味較淡，先食法國再食美國，先品嚐到佢既口感層次分別。 白酒忌廉汁煮大蜆伴蒜蓉包，上菜時香味撲鼻，好似好吸引，蒜蓉包香脆又夠蒜味，可以伴少少忌廉汁一齊食，而個蜆既忌廉汁偏咸，令成個菜式都只覺咸味，少左一份忌廉既香甜味道，有啲失色。 海鮮拼盤，拼盤好豐富，見到已經忍唔住要開動，材料包括熟龍蝦、 睡蟹、加拿大翡翠螺、法國翡翠螺藍青口、鮑魚、玫瑰蝦、鑽石蜆等等多種海鮮。樣樣都好新鮮吸引，拼盤另外會附有黑醋
聽聞佢地既手工啤酒唔錯會有驚喜，
膽粗粗既我跟左朋友黎飲番杯XD
遠處望去，充滿酒吧既風格，我之前去過銅鑼灣果間，估唔到事隔差唔多半年再次黎到mini club
環境燈光昏暗，加上背景流行歌既襯托，成個氣氛都唔錯，岩晒一班朋友黎聚會傾計窗口位更有feel，不過我地一早黎到，都已經見窗口位比人book晒枱，好搶手！
車打芝士焗薯條
39 views
0 likes
0 comments
薯條食落去好香脆，個SIZE適中，芝士味咸得黎好香，同個薯條幾搭
生蠔
$148
28 views
0 likes
0 comments
美國生蠔海水味較重，肉質爽厚，蠔味鮮濃金屬味較重，
而法國生蠔味道則較鮮甜，比美國的海水味較淡，先食法國再食美國，先品嚐到佢既口感層次分別。
白酒忌廉汁煮大蜆伴蒜蓉包
30 views
0 likes
0 comments
蒜蓉包香脆又夠蒜味，可以伴少少忌廉汁一齊食，而個蜆既忌廉汁偏咸，
令成個菜式都只覺咸味，少左一份忌廉既香甜味道，有啲失色。
海鮮拼盤
$298
29 views
0 likes
0 comments
加拿大翡翠螺、法國翡翠螺藍青口、鮑魚、玫瑰蝦、鑽石蜆等等多種海鮮。
樣樣都好新鮮吸引，拼盤另外會附有黑醋汁、海鮮汁同檸檬，岩晒大家唔同口味分享。
每隻海鮮我都好中意食，特別係鮑魚，肉質厚彈又夠鮮甜，入味非常。
其實海鮮本身都好新鮮夠味，大部份我都冇落調味料，依然咁好色^3^
睡蟹，食海鮮唔少得就係食膏，半隻睡蟹都好多膏，VERY GOOD!
What the Duck
$108
43 views
1 likes
0 comments
外形係以鴨仔沖涼做招來，一個浴缸再加上又一堆唔化既泡沫，好有綽頭，
鴨仔旁邊仲有一埋爆炸糖，可以飲一啖酒再食爆炸糖，感受爆炸糖既威力，
而個酒主味係蜜瓜，另外仲加左荔枝、石榴汁、菠蘿做混合，對唔成日飲酒既人黎講，
酒精較濃，帶啲幾香既蜜瓜味，其他混合味就要「嗒」清楚先飲得出～
第一次接觸手工啤酒黎講，外形真係爆晒分XD
Strawberry Me
$108
25 views
1 likes
0 comments
充滿甜點同Strawberry既感覺，飲落去酒精味唔太多，反而係Strawberry乳酸味較出，
見到少女心大發，另外佢有一枝針筒形狀既管，裝住Strawberry既調味酒，
可以因應個人口味落多或少，落晒個味道會較甜，酒精味多左，朋友就話藥水味左，但我都覺得OK！
Post
