令和居酒屋

Open Now

Now Closed

次次行過哩間居酒屋，睇到名都覺得幾得意，今次終於可以試試。晚市menu好多選擇，仲有時令菜單。荔枝乳酸蘇打同鳳梨乳酸蘇打，果汁味都幾香，同乳酸balance得幾好，同埋唔會好甜，唔錯。前菜，免費嘅海草沙律，用咗簡單啲日式調味，食落爽口彈牙。四色刺身盤，有三文魚，吞拿魚，赤蝦同帆立貝。三文魚同吞拿魚好大一件，油脂豐富入口即化。赤蝦Q彈軟糯，帆立貝肉質飽滿食落好鮮甜。串燒，揀咗白蔥豚肉串，燒雞棒同燒鮮鰻魚串。用咗醬烤方式烹製，燒烤火候掌握得啱啱好，特別係鰻魚，皮脆肉嫩肉質鮮甜，一定係新鮮鰻魚。令和手卷，刺身堆到山咁，一口落去，有鮮甜刺身，脆口青瓜同埋粒粒魚籽，勁滿足。牛腸鍋，唔單止有牛腸，仲有牛腩同大量蔬菜。牛腸處理得好乾淨，食落好爽口。調味落咗蒜片，辣椒同埋白胡椒，飲完湯身體都暖咗。