Video
Read full review
2011-06-06
395 views
我約咗一位男性朋友去唱 K，大家都係鍾意唱歌，真 fit 哂！起初，佢建議去旺角新世紀，方便大家搭車走！點知，我打 1083 問旺角區 Neway ，原來無新世紀分店。 我醒起佐敦 Neway ，之前食過 K Buffet 質素不錯，不如去呢度啦！再打 1083 ，問佐敦 Neway，對方問我係咪尖沙咀區？ 我覺得對方咁問係咪有問題呢？ 其實，地鐵都有佐敦站。....唔通 Combine 佐敦 & 尖沙咀為一個站咩？我答：Er.... 算係嘅。結果，我打去尖沙咀 Neway 問番佐敦 Neway 電話，先至解決。晚上收費：平日週一~四 ：$135 / 位 + $29 K Buffet ( 加一 )週五 ：$145 / 位 + $29 K Buffet ( 加一 )兩位： 7:00 ~ 10:00攞房時，仲有抽獎玩！ 我抽到我嘅 Lucky Number 2 號！ 係咩嚟架？獲得兩杯 cocktail。一入到間房，咁細嘅！大約一部 15 人 Lift 咁細！ 缺乏空間感！電腦 mon 較高，要向上望，揀歌不太方便！未唱歌，先食嘢！ 呢度比以前少咗食物， 有點失望！揀嚟揀去...選擇不多！
起初，佢建議去旺角新世紀，方便大家搭車走！
點知，我打 1083 問旺角區 Neway ，原來無新世紀分店。 我醒起佐敦 Neway ，之前食過 K Buffet 質素不錯，不如去呢度啦！
再打 1083 ，問佐敦 Neway，對方問我係咪尖沙咀區？ 我覺得對方咁問係咪有問題呢？ 其實，地鐵都有佐敦站。....唔通 Combine 佐敦 & 尖沙咀為一個站咩？我答：Er.... 算係嘅。結果，我打去尖沙咀 Neway 問番佐敦 Neway 電話，先至解決。
晚上收費：
平日週一~四 ：$135 / 位 + $29 K Buffet ( 加一 )
週五 ：$145 / 位 + $29 K Buffet ( 加一 )
兩位： 7:00 ~ 10:00
攞房時，仲有抽獎玩！ 我抽到我嘅 Lucky Number 2 號！ 係咩嚟架？獲得兩杯 cocktail。
一入到間房，咁細嘅！大約一部 15 人 Lift 咁細！ 缺乏空間感！電腦 mon 較高，要向上望，揀歌不太方便！
未唱歌，先食嘢！ 呢度比以前少咗食物， 有點失望！揀嚟揀去...選擇不多！又唔多合口味！
第一碟：
先食 芝士龍蝦伊麵 - 越期望！越失望！伊麵略帶酸味，咸度 OK ! 龍蝦有點梅。
節瓜釀鯪魚球 - 鯪魚球係腥嘅！ 節瓜夠腍及入味！
香腸片茄汁意粉 - 都 OK !
素腐皮卷 - 係全碟最好食！難得！ 包括紅蘿蔔絲及沙葛絲，配上蠔油汁。
炸米網卷 - 單看賣相算不錯！ 咬一口，甜嘅？！原來包住蓮蓉，奇怪！
結果，我及朋友同時各食剩半碟，令我感到好折墮！ 朋友仲話：煮得咁難食，真係有難度！哈哈！二人唱 K，樂在其中！ 不知不覺已經 9:40，係時候攞多些少嘢食；否則，10:00 要走！
第二碟：
炒飯 - 我好似餓鬼！ 竟然要攞飯食！配料有：粟米、青豆、還有肉粒，不過太肚餓，無留意係豬肉家牛肉？炒得都 OK !
上海粗炒 - 加咗銀芽，蔥等配料，算乾身！夠入味！食得過！
大約 9:45 ，有職員走入嚟叫我哋先埋單！到 10:00 ，電視 cut 哂歌之餘，群星仲同你講 Bye-Bye ！趁走之前，去埋洗手間，返嚟見到有職員收拾餐具。真趕客！ 最後，第一次同佢唱 K，我終於遇到歌王！ 嘩！佢有歌者風範！令我既驚喜又開心！ 我真是「小巫見大巫」。
多謝佢教我企喺度唱歌，我覺得條氣順啲，仲有比較入聲。大家不妨試吓啦！
Post
