牛極 (大全街) (Closed)

我好鍾意食牛扒但係好多餐廳嗰啲份量都好大件行過牛極見到可以自己選擇gram數啱晒我心水...用點餐機落單令我諗起日本嘅食堂有個自助區供應飯、湯、沙律、水我真係好鍾意呢種可以自己選擇份量嘅模式...叫咗牛肩排，揀咗180g嘅。一上菜大約3成熟，自己再燒 ; 嚿熱石一辣落去即刻熟，所以手腳慢嘅人最好先拎開嚿肉，切開再燒幾下，如果唔係就會好快全熟。牛肩排幾爽口唔韌，有啲油香..個湯係類似羅宋湯嗰種，好多料我攞得最多嘅係生菜，因為一啖肉配一堆生菜食落會清爽好多..