令酒場 (Closed)

呢度掛佐啲燈籠係天花，昏暗既燈光營造到日底餐廳既氣氛，成個感覺都唔錯，又可以同朋友傾下計咁。簡單叫佐個自家製燒飯團，配左梅醬 ，明太子，溫泉蛋，唔同選擇，梅醬就酸酸甜甜，幾開胃，明太子就濃香綿密，溫泉蛋就流心滑溜，每一樣都同飯團好夾，飯團表面仲要燒到脆卜卜，入面就冧，兩種口感，真係不得之了💯另外亦試埋名物之一既燒免治雞肉棒(月見)，雞肉食得出有啲軟骨，爽爽脆脆，亦都有本身既軟腍，表面仲脆脆地，月見汁又香，一個好出色既串燒呀✅最後試埋燒吞拿魚下巴，吞拿魚下巴好肥美，啲油香燒晒出黎，魚肉又滑，伴碟既沙律菜都好新鮮，點埋自家製既醬汁，惹味好食呀🅰️