令酒場 (Closed)

呢度中午麵幾多打工仔黎食，不過裝修幾好，又幾好坐，好有日式居酒屋既感覺。我哋先食日本生蠔，生蠔勁大隻，超級肥，食落好香，海水味唔係好重，但係真係好甜，好飽滿，勁好食！之後就食套餐，呀妹食角切魚生丼，刺身都幾多，有赤身、三文魚、劍魚腩、金目鯛、深海池魚、油甘魚同埋三文魚籽，雖然每個都係切到一粒粒，但係都仲食得出啲刺身嘅新鮮，好鮮味，食到刺身嘅肉質都好好，每一啖都有唔同嘅刺身，口感豐富！我就食令極上魚生丼，呢個仲豐富，有大吞拿魚腩，日本海膽，深海池魚，帆立貝，金目鯛，三文魚，赤蝦，油甘魚，每一款嘅刺身都大大塊，海膽好鮮味，帆立貝亦都好大粒，同樣好新鮮，其他魚嘅刺身肉質都好好，食得出肉質嘅鮮味，赤蝦都係好大隻好彈牙！最後叫多個蒜片厚燒牛舌芯，啲牛脷真係好厚，但係因為係牛脷芯，所以一啲都唔會韌，反而好有咬口，煙煙韌韌咁，燒到焦香，加埋蒜片，更香更惹味呀！