令酒場 (Closed)

時令刺身盛盒🫶🏻呢個未食前一定要打卡先，刺身放係層架上面，好似港女tea set呀！入面有大吞拿魚腩 ，日本海膽，深海池魚，帆立貝，金目鯛，南非鮑魚，赤蝦。我既最愛一定係大拖羅，入口即溶，棉花咁呀；海膽都係好滑好鮮，鮑魚又爽彈，每一樣都係無可挑剔呀！串燒👏🏻我地一叫叫佐幾款，兩款豚肉卷都各有風味，芫荽豚肉卷就有充足芫荽，脆口得黎又香芫荽味，露筍豚肉卷既露筍就軟冧清香，豚肉充滿油香，滲晒落配料；而雞皮同雞全翼亦好食，又脆肉又腍，燒到好香！汁煮和牛面肉🫰🏻牛面肉有食過，和牛面肉就係第一次食，比普通既牛更嫩更腍，肉味更濃，煙韌濃香，燒汁更帶出和牛既香味，食到停唔到口！蟹甲羅燒👍🏻同樣要打卡先既一個料理，蟹蓋裝住海量蟹肉，蟹肉多得黎亦有蟹籽，口感有層次又豐富，食得出仲有啲蟹膏，另外配有烘脆既多士，放上去食又無咁滯，出色！