Video
Read full review
2024-06-23
711 views
見到廣告賣相幾好，於是就試吓星期日下晝5:00入去。唔識嗌，就嗌咗最平嗰個$199，我都好明白，星期六日一定會加錢，上到去先知道原來每個人頭要加$20。心諗都唔緊要啦，食好啲。成排飲品區、甜品區、攞嘢食區、熟食區、都令人非常滿意。既然湯底都未熱嘅時候，當然食呢啲啦！整體上都OK嘅，都冇乜大問題。不過入嚟打邊爐，當然最緊要就係食牛啦，但係當佢送啲牛嚟嘅時候，所有一切好嘅嘢都已經補償唔到。俾大家睇吓我哋碟牛有啲乜嘢問題。請問呢啲肥牛點食得落？雖然我叫咗$199 個餐啫，再加埋$20星期六日額外加錢，至少都要$219啦，我覺得咁樣對客人好似唔係幾好喎。我依家唔係冇錢都要咁樣食嘢，但係請問肥到咁樣你叫人哋點食？我忍唔住再叫多一次，睇吓係咪真係咁肥…..點知結果都係一樣。其實餐廳係咪應該改善一下？呢個世界一定會有客人叫最平嗰個餐，但係唔該都唔好攞呢啲嚟應酬我哋呀，呢一餐絕對令我非常之失望，肥都咁樣都可以攞俾客人，成個餐都唔知自己食咗啲乜嘢。早知係咁，我叫貴少少啦，問題係我唔係冇錢食嘢，你哋舖頭係咪都唔好攞呢啲肉去俾$199啲客人？變相咪即係叫啲客人食貴啲？呢一餐絕對令我失望，好可惜我見到所有嘅評
於是就試吓星期日下晝5:00入去。
唔識嗌，就嗌咗最平嗰個$199，
我都好明白，星期六日一定會加錢，
上到去先知道原來每個人頭要加$20。
心諗都唔緊要啦，食好啲。
成排飲品區、甜品區、攞嘢食區、熟食區、
都令人非常滿意。
既然湯底都未熱嘅時候，
當然食呢啲啦！
整體上都OK嘅，都冇乜大問題。
不過入嚟打邊爐，當然最緊要就係食牛啦，
但係當佢送啲牛嚟嘅時候，
所有一切好嘅嘢都已經補償唔到。
俾大家睇吓我哋碟牛有啲乜嘢問題。
牛五花
$199
0 views
0 likes
0 comments
請問呢啲肥牛點食得落？
雖然我叫咗$199 個餐啫，
再加埋$20星期六日額外加錢，
至少都要$219啦，
我覺得咁樣對客人好似唔係幾好喎。
我依家唔係冇錢都要咁樣食嘢，
但係請問肥到咁樣你叫人哋點食？
我忍唔住再叫多一次，
睇吓係咪真係咁肥…..
點知結果都係一樣。
勁肥美牛胸腹
$199
0 views
0 likes
0 comments
其實餐廳係咪應該改善一下？
呢個世界一定會有客人叫最平嗰個餐，
但係唔該都唔好攞呢啲嚟應酬我哋呀，
呢一餐絕對令我非常之失望，
肥都咁樣都可以攞俾客人，
成個餐都唔知自己食咗啲乜嘢。
早知係咁，我叫貴少少啦，
問題係我唔係冇錢食嘢，
你哋舖頭係咪都唔好攞呢啲肉去俾$199啲客人？
變相咪即係叫啲客人食貴啲？
呢一餐絕對令我失望，
好可惜我見到所有嘅評語都係好嘅，
從來冇見到有評語係關於你一個餐，
所以我忍唔住都要上嚟post一下，
大家可以各自諗吓，
我只係如實報道，絕無半點虛言。
Post
