越味屋

Open Now

Now Closed

以前做外賣店嗰陣都幾好食，都成日幫襯，因為幾有越南風味，法包係非常出色。自從轉左入鋪，食過幾次，但好可惜係越嚟越差。最後一次幫襯嗌咗雜錦湯河，食過好多次貪佢咩餸都有，而當中一直都係有正常雞絲，呢次好特別，竟然求其比舊燒味嘅油雞我，係真係燒味舖嘅豉油雞，咁我問聲樓面點解雞絲會變咗油雞，你哋餐廳冇油雞㗎喎，佢話來貨轉左係咁。我當中咗伏算，呢間舖頭應該出咗啲問題。事後有喺西裕街紅葉見到該樓面番工。另外轉咗入舖黎超多蚊滋烏蠅一直冇改善。好可惜睇住一間鍾意食嘅鋪頭變化，其實都幾灰。自從呢次我放棄咗呢間越南餐廳。建議大家想食嘅話，最好嗌外賣，落定單先，如果唔係門口會等到你俾嘢咬腳痕。