Food Combo (Closed)

見好耐無入屯門行下，所以就去行下同食飯，今次嚟到「Food Combo」。Set F 美國安格斯西冷（9安）荷蘭汁配南瓜薯餅塊牛扒好厚身，睇得出喺良心店嚟。食落好有牛味，喺安枱斯牛應有嘅牛味，再加埋個荷蘭汁，牛味更加出，而家諗返都想食🤤🤤🤤。個荷蘭汁主要喺喺蛋黃溝檸檬，仲好要有耐性咁人手打出嚟，所以好綿好cream，配牛肉食非常夾。薯蓉值得一讚，食落去明顯同一般嘅薯蓉好唔同，呢道喺特別綿同埋細緻好似食雪葩咁，最重要喺佢食落唔油膩，以往好怕薯蓉好油膩好滯，但呢道一d都唔油膩。本月限定：特式燒排骨配橙汁椰菜作為一名食肉獸表示，呢道菜超級滿意🤤🤤2排大大塊嘅燒排骨，真喺見到都覺得抵食。味道方面中規中矩，可能因為啱啱食完安格斯牛，果陣牛香味仲齒甲留香緊。不過建議可以夜晚嚟食先叫燒排骨，因為份量真喺好大，中午食會超飽同滯。鮮薑紅x桂圓杞子、薄荷檸檬水、檸檬茶呢道嘅餐飲喺以上3款飲品任飲，個人比較推薦檸檬茶，因為有陣桃香味。