Video
Read full review
2023-02-12
1560 views
香港人冬天最鍾意食嘅一定係火鍋或者⋯⋯燒肉呀！！！今日就嚟食依間好出名嘅「和宴」，朋友話佢係香港燒肉嘅始祖，咁我就冇去考究到底係唔係事實，但係佢嘅位置就有少少隱蔽，如果係第一次嚟有機會要搵一搵，因為佢係蘋果旁邊，而且大廈正面顏色同蘋果一樣，所以好容易錯過，而且佢嘅電梯唔係直上12樓，需要係5樓轉一次電梯，幾有日本隱世小店嘅感覺當晚唔係咩特別日子，所以唔爆場，所以唔肯定佢抽風好唔好（雖然我哋食完身上都冇咩味）咁我同朋友都叫咗依個$980嘅套餐（留意返$980係一個人嘅價錢未計加一）唔好以為得好少野食咁，但實際食嘅時候其實好飽肚，因為差不多全部都係和牛，會很膩日本產水果番茄配士佐酢啫喱當你點完餐之後，好快就會開始上前菜，而水果番茄甜就一定架啦，但估唔到同士佐酢啫喱咁配，因為入口你先會食到啫喱嘅酸味，番茄嘅甜味係呢個情況之下會更加突出，但係唔可以單吃士佐酢啫喱，因為會太酸是日宮崎和牛刺身併盤 和牛刺身真係需要靚和牛先好食，油脂分布平均，入口即化（如果怕生的朋友都可以叫職員幫你開咗爐，燒一燒先再食）炙燒宮崎和牛海膽壽司輕微炙燒過嘅和牛配上海膽，簡直就係雙重滿足，滿滿嘅油分充斥住你嘅口腔，海膽嘅
當晚唔係咩特別日子，所以唔爆場，所以唔肯定佢抽風好唔好（雖然我哋食完身上都冇咩味）
咁我同朋友都叫咗依個$980嘅套餐（留意返$980係一個人嘅價錢未計加一）唔好以為得好少野食咁，但實際食嘅時候其實好飽肚，因為差不多全部都係和牛，會很膩
日本座水果番茄 配士佐酢啫喱
36 views
2 likes
0 comments
日本產水果番茄配士佐酢啫喱
當你點完餐之後，好快就會開始上前菜，而水果番茄甜就一定架啦，但估唔到同士佐酢啫喱咁配，因為入口你先會食到啫喱嘅酸味，番茄嘅甜味係呢個情況之下會更加突出，但係唔可以單吃士佐酢啫喱，因為會太酸
是日宮崎和牛刺身併盤
36 views
0 likes
0 comments
是日宮崎和牛刺身併盤
和牛刺身真係需要靚和牛先好食，油脂分布平均，入口即化（如果怕生的朋友都可以叫職員幫你開咗爐，燒一燒先再食）
炙燒宮崎和牛海膽壽司
40 views
0 likes
0 comments
炙燒宮崎和牛海膽壽司
輕微炙燒過嘅和牛配上海膽，簡直就係雙重滿足，滿滿嘅油分充斥住你嘅口腔，海膽嘅鮮味係依種情況下更加特顯🤤🤤
涼拌雜菜併盤
31 views
0 likes
0 comments
涼拌雜菜併盤
味道都係偏淡，用於食完和牛解膩，不過不失咁
宮崎和牛 薄切牛排肉 （壽喜燒風）
38 views
0 likes
0 comments
宮崎和牛 薄切牛排肉 （壽喜燒風）
首先上咗依個薄切牛排肉，職員會同你講大概每邊燒三秒左右就食得，食嘅時候再點上蛋汁，味道非常好，不過雖然話係壽喜燒風味，但食落去沒有平時食壽喜燒嘅甜味，不過食完兩片之後都已經覺得有點膩
之後除咗薄切牛排肉之外其他肉類都會等你食完薄切牛排肉後一個拼盤咁一次過上晒，分別有鹿兒島走地雞雞腿肉（麵豉）、宮崎和牛特上雪花牛排肉、澳洲和牛横隔膜（醬汁）、宮崎和牛特上肩肉眼、鹿兒島豚五花肉和特上牛舌棒
和牛油分重，入口即化就當然架啦，所以雪花牛排肉真係冇得輸，不過食嘅時候最好用菜包住減少油膩感，咁先可以食咁多都唔會膩得滯
肉眼；相對就冇咁重油分，但係肉味濃啲，同樣咁好食
澳洲和牛 横隔膜
23 views
0 likes
0 comments
和牛横隔膜；肉味最重，雖然油分沒有日本和牛咁重，但係加上醬汁嘅味道真係令人一試難忘，不過有一定厚度，所以要比較耐心少少去燒（職員話燒到兩面都已經金黃色先剪開食）
牛舌棒；係我今餐中最鍾意食嘅野之一，平時食嘅牛舌一般都係薄燒，完全同依個唔同，咬落去嘅時候仲會食到牛舌嘅彈牙同牛味，而且佢係棒形，所以食嘅時候都好方便咬開
雞腿肉；係我今餐中最鍾意食嘅野之一，平時食燒肉都唔會覺得雞肉有啲咩好食，但係呢個雞肉真心係我食過咁多間燒肉店之中最好食嘅（可能係我食嘅燒肉店太少嘅關係（戴定個頭盔先）就算我哋唔係好識燒，但係燒完，肉質都係勁嫩，完全唔會乾柴柴，而且因為我哋選擇咗麵豉味，食落去甜甜哋，如果唔係因為我哋已經飽咗，真係想叫多一份
豚五花肉；都係比較出色嘅，唔會有臊味，肉質都係嫩滑，就算燒耐咗都唔會好難咬，但係對比其他肉就失色咗少少
迷你辣牛肋肉湯飯
21 views
0 likes
0 comments
迷你辣牛肋肉湯飯
咁到你食完燒肉先會再給你上主食，就算係迷你版材料都不會馬虎了事，牛肋肉有兩大嚿，而且好腍身，唔需要咀嚼般已經可以吞下肚子，而且辣辣哋，就算食肉食飽左也會不自覺地一啖接一啖咁食，好容易一碗就咁食完
迷你盛岡冷麵
23 views
0 likes
0 comments
迷你盛岡冷麵
因為主食可以每個人都選擇不同的，所以朋友就選擇咗冷麵，同樣材料一啲都唔馬虎了事，而且酸酸辣辣好開胃，唔會擔心食唔晒，因為佢嘅份量剛剛好你食完都唔會覺得太飽，而且仲可以解剛才食燒肉嘅油膩感，非常好
甜品
23 views
0 likes
0 comments
最尾嘅甜品就係一球雲呢拿雪糕，雖然食落去知道係某個大牌子，但係令成件事唔同晒，即刻覺得佢好馬虎了事，原本好好嘅一餐即刻失色咗
整體來講，成個用餐體驗都好好，不論係食材嘅新鮮度、好味度定係職員嘅服務都好好，就係最尾個甜品有少少馬虎了事，如果唔係真係一個100分嘅用餐體驗
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
Post
