太子餐廳

Open Now

Now Closed

早兩日再去呢間餐廳食嘢，之前去過幾次都冇問題，嘢食嘅質素都可以嘅，今次四個人去其中一個係三歲小朋友，坐低攞住個餐牌叫嘢食，攞住個餐牌指比嗰個人知話要啲乜嘢，嗰個人話我睇唔到，你讀出嚟，態度已經好差，寫完就擰轉面走咗去，因為小朋友想飲嘢先，就想嗌埋嘢飲，咁唔好彩佢又喺附近，就叫佢，黑口黑面走過嚟，話使乜咁急啊⋯⋯都算啦，然之後佢話你哋四個人唔可以叫三個餐，有人頭低消，佢又冇寫有低消，一個三歲小朋友都有低消，唔知係咪得罪咗佢，去咁多次有個女士同埋後生仔都好有禮貌，係得呢個有啲年紀嘅男人成日黑口黑面，講唔該有尾音嗰種禮貌，可能佢係老闆，所以唔會再幫襯了。