煮回家 (Closed)

搬左黎西環都有一段小日子，因為最近都唔太想出街食飯，多左係屋企煮飯食。平時多數係supermarket買餸。上星期天氣有少少凍，打邊爐癮又起，今次就第一次走入旁邊既「煮回家」買料打邊爐。買左安格斯牛肩肉、西班牙豬腩肉、響鈴。對於我同埋老公呢兩隻食肉獸黎講，豬肉牛肉係一定唔少得！牛肩肉非常有肉味，唔會韌。後悔只係買左一pack，下次一定會encore。西班牙豬肉就正常。響鈴係每次都一定要買既，打到咁上下，放入湯底3秒，吸滿曬精華就最正啦！係supermarket比較少見有得買，鍾意食既朋友仔可以黎呢度買。我以後都會繼續支持！