Video
Read full review
2017-09-14
137 views
天悅廣場……東區友都知呢個係一個死寂嘅「傷場」。喺我初中嗰陣佢亦風光過一時，點解？就係因為一間價廉物美、別具特色嘅日式餐廳「吉之家」。喺佢光榮退休後呢個舖位嘅餐廳都做唔長，而天悅嘅吉舖亦好似細菌咁急速蔓延點解我講咁多「舊時」？因為呢一間餐廳—「味口福」正正就係開喺「吉之家」嘅舖位。住喺筲箕灣嘅我其實喺「味口福」剛開業 (2017年頭) 嘅時候已經留意到佢。當時嘅反應係：「終於有人租喇喎。唔知又做到幾耐呢？」望見MENU雖然覺得吸引，但心中亦有疑問：筲箕灣有冇咁多人會花30蚊食個包都唔食碟飯？如是者，咁就過咗幾個月喇。今日興之所至去食，已經2點幾餐廳仲係8成滿，比起初開業人氣的確高咗好多。亦見到多咗幾款價格相宜啲嘅套餐。媽媽一向係睇嘢慢嘅人，老闆見我哋一副呆相，就向我哋介紹佢哋嘅拿手菜。我向來好怕同陌生人講嘢，行街比人截住講多幾句都會唔識應對。老闆好有自信咁推介，講到佢對用料嘅執著，選料嘅原由……一路聽住，我冇覺得反感，反而欣嘗佢呢份難得嘅熱誠~喺老闆同食評極力推介下點咗手打牛肉漢堡+蕃茄生菜+芝士。坐喺窗邊高枱位雖然私隱度低咗，但係就可以親眼睇住自己個包「出世」，咁大個女真係冇試過即叫
住喺筲箕灣嘅我其實喺「味口福」剛開業 (2017年頭) 嘅時候已經留意到佢。當時嘅反應係：「終於有人租喇喎。唔知又做到幾耐呢？」
望見MENU雖然覺得吸引，但心中亦有疑問：筲箕灣有冇咁多人會花30蚊食個包都唔食碟飯？如是者，咁就過咗幾個月喇。今日興之所至去食，已經2點幾餐廳仲係8成滿，比起初開業人氣的確高咗好多。亦見到多咗幾款價格相宜啲嘅套餐。
媽媽一向係睇嘢慢嘅人，老闆見我哋一副呆相，就向我哋介紹佢哋嘅拿手菜。
我向來好怕同陌生人講嘢，行街比人截住講多幾句都會唔識應對。老闆好有自信咁推介，講到佢對用料嘅執著，選料嘅原由……一路聽住，我冇覺得反感，反而欣嘗佢呢份難得嘅熱誠~
手打牛肉漢堡 (墨西哥香辣醬) +蕃茄生菜+芝士
12 views
0 likes
0 comments
喺老闆同食評極力推介下點咗手打牛肉漢堡+蕃茄生菜+芝士。
坐喺窗邊高枱位雖然私隱度低咗，但係就可以親眼睇住自己個包「出世」，咁大個女真係冇試過即叫即製，保證熱辣辣~
手打牛肉唔少餐廳都做到，但「味口福」連包都係自己廠房出品，甚至連上面嘅芝麻都係先烘好先撒上包面烘烤，一絲不苟，真係好難得。包烘成微啡，食起脆身但面包鬆軟。自家出品嘅包更加比嘉頓包厚身得多，食落更加滿足。
揀咗墨西哥香辣醬。醬料酸甜微辣，可以清楚見到入面有辣椒。不過既然餐廳咁多醬揀，辣味嘅可以去盡啲，咁就更正~
切開share之後整塌咗個包XD 但切嗰吓好治癒，聽到包脆皮裂開嘅聲音~
手打牛肉中心嘅肉仲係淡粉紅，成塊漢堡鮮嫰，帶甜味。
食住個包我就諗起好出名嘅時新漢堡(紅磡)，身為POLY學生，我都只係食過一次，因為貴夾唔值！入內就見到一棟棟嘉頓包 (相信佢生意好到清到貨，係新鮮嘅)，而呢度用嘅係自家出品、漲卜卜嘅包。淨係計員工態度都好N倍啦~
紅豆冰
9 views
0 likes
0 comments
餐飲叫咗紅豆冰同凍奶茶
紅豆特別大粒，而且起沙。老闆話想客人飲到尾都有豆食，專登揀大豆。
奶茶茶底都夠晒濃，推介~
期間見老闆同員工相處融洽，亦好重視客人嘅意見。實在難得！希望佢搞旺返天悅底層啦~
(未完架今餐~但冇位放相LU~睇埋下篇)
Other Info. :
滿$60送熱飲(套餐除外)
(The above review is the personal opinion of a user which does not represent OpenRice's point of view.)
Post
