喜鍋 海鮮.點心.活刺身 蒸氣石鍋專門店 (Closed)

蒸氣鍋近排好hit，之前都食過一兩間，覺得都唔錯，同打邊爐比較，感覺上會清d同冇咁熱氣，所以本身都幾鍾意食，但呢間喜鍋既食物好新鮮，而且服務很好，又坐得舒服，而且唔多人，唔會好煙，一定要推介一下! 餐牌有好多選擇，一於乜都叫d～加洲象拔蚌 象拔蚌一隻好大，個膽放喺粥底度煲，個身切絲加蒜蓉粉絲蒸，象拔蚌絲好彈牙爽口，同蒜蓉粉絲一齊食，增添口感，極為鮮甜，粉絲索哂象拔蚌既鮮味，一滴汁都冇哂，所以好鮮味爽囗。淸蒸和牛片 和牛切得好薄，入口即溶，溶化後化成鮮嫩香滑既牛肉汁，好juicy，冇醃過，原汁原味，淨係食鮮嫩都夠哂! 籠仔蟲草花鮑魚糯米飯 一蒸起好香，鮑魚片鮮嫰，糯米飯好香，而蟲草花本身冇乜味，煙煙靱靱，同調過味既糯米飯一齊食，味道啱哂，不濃不膩，非常特別!金粟手打墨魚丸 每粒都係餐廳既師傅打出黎，包保新鮮，果然係好彈牙，食得出用左好足料既墨魚肉打出黎，啖啖彈牙多肉，加上甜甜既粟米粒，令呢個超彈牙墨丸，再加上一點特色~蒜蓉蒸窩荀 窩荀既皮去得好徹底，所以好軟身，好滑身，而且好爽口，正! 鮮榨橙汁 係咪想問"連橙汁都要介紹?!唔係化?!"正