Video
Read full review
2021-10-04
371 views
因為之前試過佢新鮮出爐一條裝「極生」方包，覺得好好味，加上又中意食all day breakfast ，所以好期待嵜本個all day breakfast ～假期9:45am去到，入面除左一個女人就只有我地，時間尚早，好靜，得兩枱客。個女人開電話個speaker 睇片，勁大聲，已經好破壞環境😡店員又冇管，咁我地都冇出聲，算啦。Order左之後，間餐廳開始播歌，係容祖兒-一拍兩散。我地已經覺得唔對路，好唔襯間餐廳style。之後仲繼續播，張智霖-十月初五的月光、鄭伊健-人生愛你一個、李惠敏-你沒有好結果、鄭秀文-愛的挽歌、孫耀威-愛的故事下他、彭家麗-是不是這樣的夜晚你才會這樣的想起我、盧巧音-三國誌、beyond-喜歡你。 真係連屋企樓下間茶餐廳，都唔會播呢d歌啦！呢間開喺海港城嘅日式餐廳，一條白方包賣緊$50，其實市場定位乜呢？成個環境令我地感覺好唔好。其實唔播歌仲好！Ok，氣氛環境整體唔好都算，但係連食物都好難食，好令人失望！可能我食過佢隻極生，所以期待過高啦。我好中意食all day breakfast ，呢間係唯一一間，令我食到一半想放棄，唔想再食！🤮原本為左食半熟蛋三文治而去
假期9:45am去到，入面除左一個女人就只有我地，時間尚早，好靜，得兩枱客。個女人開電話個speaker 睇片，勁大聲，已經好破壞環境😡
店員又冇管，咁我地都冇出聲，算啦。
Order左之後，間餐廳開始播歌，係容祖兒-一拍兩散。我地已經覺得唔對路，好唔襯間餐廳style。
之後仲繼續播，張智霖-十月初五的月光、鄭伊健-人生愛你一個、李惠敏-你沒有好結果、鄭秀文-愛的挽歌、孫耀威-愛的故事下他、彭家麗-是不是這樣的夜晚你才會這樣的想起我、盧巧音-三國誌、beyond-喜歡你。
真係連屋企樓下間茶餐廳，都唔會播呢d歌啦！
呢間開喺海港城嘅日式餐廳，一條白方包賣緊$50，其實市場定位乜呢？成個環境令我地感覺好唔好。其實唔播歌仲好！
Ok，氣氛環境整體唔好都算，但係連食物都好難食，好令人失望！
可能我食過佢隻極生，所以期待過高啦。我好中意食all day breakfast ，呢間係唯一一間，令我食到一半想放棄，唔想再食！🤮
原本為左食半熟蛋三文治而去，可惜佢話個日冇半熟蛋，咁唯有叫「玉子三文治」。個三文治係整定晒放左入雪櫃個種，唔知佢放左幾多日，個包好乾，完全唔新鮮。個玉子質地係玉子豆腐咁，一舊布甸狀嘅野….. 🤢🤢
另外叫左「煙三文魚全日早餐」，個方包都係乾嘅，沙律菜、三文魚完全唔新鮮（懷疑佢係用紅鱒）。個餐可以自己揀jam, 揀左開心果味，個味好假好香精，仲要係難食個隻香精味。🤢🤢
包括餐廳環境+食物，成個體驗都好差！😡
呢到最出名係方包，但係呢左呢兩樣食物入面嘅包都好乾，好失望，餐廳又管理不善！
Post