喫茶ちょうぼ

Open Now

Now Closed

無意間留意到呢間餐廳，見到D野食、甜品、飲品都好似好靚，就唸住黎試下。不過抱住太打卡FEEL太靚都未必會係好食。1:30 左右黎到，員工都好友善，見到有卡位吉左出黎，詢問下都可以安排比我地。落完單又會好貼心詢問後上定上埋。試過有D餐廳唔會理你直接上。D野食好快就黎到，我同朋友都影左差唔多10分鐘相，但炸軟殼蟹扁意粉，軟殼蟹都依然好脆! 個意粉D汁超多超正!! 食完D 意粉我仲食埋個汁! 飲品好好飲，甜品(叫左布丁)都好正。基本上我叫既所有野都冇一樣係唔好食!!!!!! 無論係食物，飲品，甜品都唔係HEA 做，成餐飯簡直係完美。