番茄18

Open Now

Now Closed

係將軍澳海傍開左個新商場，地下個層有好多間食肆，每間既裝修都幾靚。呢日去開將軍澳就得登過去睇下，不過可能唔係太熟路都搵左幾耐下先搵到個商場。個商場係幾近單車徑，如果去踩單車既，經過不妨一試。呢間茶餐廳既裝修好靚，好有老香港既味道，係入面食野都有feel d~番茄雞蛋通粉＋瑞士汁雞脾（$55）：坐入去食野個陣即刻上openrice睇左下有咩推介，我見都幾多人推介食瑞士汁雞脾，當然要叫啦。隻雞脾真係好入味，但又唔會太鹹，而且大隻得黎仲係好嫩，唔錯唔錯👍至於間菜餐廳都有名你叫，一定要試個番茄通粉既。個湯底係好濃郁既番茄蓉，仲食到粒粒番茄，啱曬鐘意食番茄一族😋口水雞米線（$58）：呢個口水雞有意外驚喜，本來諗住係常餐會無乜特別，點知隻雞幾厚肉下而且超嫩，仲好入味添。我自己就覺得個雞係偏麻多過辣。至於個米線就有少少失望，個湯底偏淡。不過如果係將個雞撈埋落去食就應該啱啱好既😛個冬瓜茶幾抵飲，跟餐＋$3就得至於菠蘿冰跟餐就只得半價