丸十寿司日本食堂

Open Now

Now Closed

好耐冇行朗豪坊，明明記得這位置應該係吳彥祖開嘅壽司店， 原來已經被另一間餐廳取替。行去睇下佢menu， 有注明壽司米係用，頗有趣，而且好鍾意佢簡約明亮嘅裝修，好有muji嘅感覺.平日唔算多人，拎咗第三號籌，約5至10分鐘已可入， 但原來有限時，落咗柯打後90分鐘要交枱， 因為係計落order，所以可以慢慢揀，睇啱先落單。叫咗個瞬間燻製三文魚他他，因為好有特色，有個好靚的玻璃罩盛載， 頂有牛油紙蓋住，影相一流。 三文魚切粒，煙燻味濃厚，而且仲一小撮海膽，底有牛油果， 感覺健康，係沙律以外嘅一種選擇。雪花牛舌串燒，雞腿肉串燒。 牛舌惹味， 雞腿肉標明係用日本南部雞肉， 好似真係好味啲，比較有雞味燒雞泡魚乾 唔會燒到太干，煙煙韌韌， 性價比高。茶碗蒸， 味道比較普通，不是很突出。親子盛合， 性價比高， 三文魚新鮮， 壽司米口感軟綿有勁， 可能真係同佢係度即場當店精米有關。松葉蟹肉壽司漢堡， 兩邊米煎到香脆，而且混合了一點辣味，更香口。 松葉蟹肉，芝士，生菜做餡料， 充滿玩味的菜式。總括嚟講，價錢不貴，坐得舒適，可以再來。