和牛燒肉‧純

Honey乃工作狂一名，事事親力親為，每每接咗新項目都情願犧牲約會時間 ，晚餐往往都未必會食足一個鐘。XO仔收工時間較穩定，見週四晚六點前坐地鐡過海又唔會話太迫，所以尋晚就專登走咗去尖沙咀會合情人，應佢同事推介喺會場附近一家叫「和牛燒肉‧純」度食咗個快閃燒肉餐。店子門前地下擺設一座流水大石，莫非係風水陣 ？！傍晚時份店內已坐滿客人，接待處旁o既二至四人枱座無虛席，兩口子就被帶入後方o既一條走廊。經過近窗一邊有兩群日本食客，佢地高談暢飲，邊食邊追加，恍惚正為餐店其他食客打下強心針。可能因有預先訂座，二人得以入座舒適闊落o既四人卡位式廂房，如果想進一步提升私隱度更可拉下布簾，感覺極之高雅衛生 。四周簡單以木為主o既間隔並無花巧o既裝潢，牆上都只係見到推介黑板、和牛o既靚相及簡介，自然地流露出「純」o既理念 。餐牌上除咗列出不同菜式，封面及附頁亦有解釋何謂「佐賀牛」、何謂「和牛」、以及牛隻不同部位o既名稱同特質，圖文並茂，非常詳盡。 深知小肥忙於拍照，自己又要趕回會場，honey就一口氣叫齊沙律、燒肉、及飯品，當中亦不忘加多杯梅酒好等細佬歡樂一下 ，真係細心周到。「純」乃燒肉專