何蘭正

Open Now

Now Closed

位於中環雲咸街嘅《何蘭正》，一家主打港式FUSION菜和酒精飲品嘅酒吧餐廳，裝潢亦有舊式通花鐵閘、霓虹燈和吊扇等裝飾，滿滿舊香港風情🍴焦糖花鵰松葉蟹膏燉蛋用上松葉蟹膏、花鵰和蛋黃製成焦糖燉蛋，配上牛油多士，搽滿松葉蟹膏，香濃又惹味。另外配菜有酸辣茄子茸、迷你小蕃茄和巴馬臣芝士片，相當開胃，作為頭盤就最適合不過🍴野生大冧哥魚立鱗燒以立鱗燒方法製作大冧哥魚，煎至鱗脆肉嫩，伴碟有煎薑米糯米飯餅，配上微辣醬汁，十分美味。其他配菜就有烤茄子、繡球菌和蕃茄酸菜，沾上微辣黑毛豬潤汁，開胃又惹味🍴紅心芭樂甘露用上清爽椰皇凍、滋潤雪耳和泰國金柚肉製成芭樂甘露，面頭再加上椰子雪糕球，入口清新微酸，可中和油膩感🍸Unfamiliar City與歌手AGA合作的期間限定雞尾酒，參照了Margarita，較易入口，而杯邊圍了海鹽亦係其傳統特色之一🍸荔枝糯米糍以燒酒做酒底，加入海鹽奶蓋，中和了酒精底，相對易入口，面頭放了荔枝和糯米糍作點綴，真正飲得又睇得