Tea WG Salon & Boutique (又一城)

Open Now

Now Closed

今日同媽咪去咗試Tea WG 嘅 lunch, 可能因為係平日嘅關係，12:30 walk in 都有位。餐廳只有十幾張枱，雖然之後陸續都坐滿了，但唔會好嘈吵，係慢慢食嘢傾偈嘅好地方。我哋兩個人都揀咗Full Set Menu ，安格斯西冷要另外加錢($308 + $60)。餐包夠熱對我來講好重要，因為熱嘅麵包先夠軟熟。牛油夠香，加上紫菜絲同脆粒增添口感。媽咪揀咗粟米忌廉湯，都幾幼滑。我揀咗沙律，賣相精緻，醬汁微辣。主菜大家都叫咗安格斯西冷，牛扒準確地烤成medium 的程度，中間仍是嫩紅色，不過因為是西冷部位有少許筋，牛肉濃汁內的普洱味不太突出。青豆好嫩，連平時唔食豆嘅我都可以食晒。甜品可以自選甜點推車中的蛋糕，我揀咗黑森林普洱蛋糕。呢個唔會過甜，質感厚實，幾好食。媽咪要跟餐嘅甜品（柚子慕絲配抹茶雪糕），由於我個人口味不特別喜好抹茶味同柚子的酸味，所以我只比4星，不過媽咪話好食。餐飲我揀咗冰茶，勁大杯，但我覺得略帶少許藥水味….媽咪要熱茶，溫和唔苦澀，飲落好舒服。