Video
Read full review
2017-05-02
69 views
同人講去飲茶，大家剩係諗到燒賣，蝦餃 但原來有D係專係品茗，嘆茶既地方 呢間位於尖沙咀加連威天橋旁的茶苑，每日返工都會見到佢 今日終於約埋朋友黎呢度試一試~做一日文人雅士~ 一入到黎，就見到呢個咁有故鄉色彩的擺設~ 座位都採用臨窗採光，隔了一塊玻璃，同出面好似2個世界咁~ XD 想隱秘D，都有呢個咁舒服的角落~ 呢度除左飲茶，其實都幾似一個茶藝博物館~! 有好多唔同的飲茶工具，唔同的茶葉介紹，睇啱仲可以買回家的~ 就好似呢套手繪青花瓷，一個焗盅要1000蚊~當然，識貨者會懂得欣賞的~ 至於我地呢D初階，都係用番茶苑提供的茶具(茶具都係宜興出品的呀) 茶呢，其實都分有好多種，有大家熟悉的紅茶，白茶，綠茶 呢間茶室，以飲岩茶為主~ 岩茶，即係以生長在岩上面的植物製成的茶~ 而當中，又以大紅袍最頂級，最出名~ 當然，剩係大紅袍都有唔同級數架~ 我地可以以7g茶葉 沖一壺茶為單位咁樣ORDER ~ 如果2人以上，茶室仲有一D套餐可以揀添~ 我同朋友就揀左一個HKD 188 的套餐 有密雲龍大紅袍 (雅．醇和) 7g 同密雲龍岩茶 (武夷水仙) 7g 其實每一款套餐都係精心配搽
但原來有D係專係品茗，嘆茶既地方
呢間位於尖沙咀加連威天橋旁的茶苑，每日返工都會見到佢
今日終於約埋朋友黎呢度試一試~做一日文人雅士~
一入到黎，就見到呢個咁有故鄉色彩的擺設~
座位都採用臨窗採光，隔了一塊玻璃，同出面好似2個世界咁~ XD
想隱秘D，都有呢個咁舒服的角落~
呢度除左飲茶，其實都幾似一個茶藝博物館~!有好多唔同的飲茶工具，唔同的茶葉介紹，睇啱仲可以買回家的~
就好似呢套手繪青花瓷，一個焗盅要1000蚊~當然，識貨者會懂得欣賞的~
至於我地呢D初階，都係用番茶苑提供的茶具(茶具都係宜興出品的呀)
茶呢，其實都分有好多種，有大家熟悉的紅茶，白茶，綠茶呢間茶室，以飲岩茶為主~
岩茶，即係以生長在岩上面的植物製成的茶~
而當中，又以大紅袍最頂級，最出名~
當然，剩係大紅袍都有唔同級數架~
我地可以以7g茶葉 沖一壺茶為單位咁樣ORDER ~
如果2人以上，茶室仲有一D套餐可以揀添~
我同朋友就揀左一個HKD 188 的套餐有密雲龍大紅袍 (雅．醇和) 7g 同密雲龍岩茶 (武夷水仙) 7g
其實每一款套餐都係精心配搽過的，有濃和淡兩種不同口味，等大家可以試試不同茶種~有不同的口感~
我們的第一壺，就選了密雲龍大紅袍 (雅．醇和)
我是門外漢，但見茶葉大小均一，一條條，不是碎濕濕那種, 而且有明顯的紅綠相間顏色~聞落去有很清香的茶葉味~
待應很耐心地同我地講解同示範左一次沖茶的次序同技巧
首先，要用滾水將所有用具都熱過~
之後，就可以放入茶葉，加 100度的滾水 (飲岩茶的水溫很重要，水一定要有95-100 度才可用作泡茶呀)
將水倒入壺後，就可以馬上倒出黎了~ (唔係好似平時酒樓咁浸住D茶葉架)茶會先倒係一個玻璃瓶內
呢個瓶又叫公平壺，就係均勻了每一轉茶的濃淡
第一轉係洗茶葉，不要的，要第二轉才可飲用~
可以上茶了~
但見茶色清徹，入口醇和~
大紅袍很耐沖，沖了五六轉，還有色和味~另一個密雲龍岩茶 (武夷水仙)
同樣係岩茶的一種，但當然，比起大紅袍係低級了~
水仙色澤鐵青帶褐~屬於半發酵的青茶，故香味較突出~
入口雖不及大紅袍的圓潤，但有回甘茶味略帶少澀，但餘味久遠~
所有茶餐均附有一盤小食，都以清淡的乾果以主，以免影響茶味~
和待應閒聊，原來呢度仲不定時舉行一D工作坊，甚至有包場服務等大家有機會接觸多D茶藝文化~
香港近年都開始興起呢D茶室係度飲半日茶，附庸風雅一番，感覺自己都即刻書卷氣左~
有機會，不妨約朋友黎呢度 "飲茶" 呀~
Other Info. :
茶苑設有WIFI 服務
茶苑沒有熟食供應，大家可自行帶食物上去品茗~
(The above review is the personal opinion of a user which does not represent OpenRice's point of view.)
Post
