The Salted Pig (D2 Place) (Closed)

這是間以豬為主題的餐廳，西餐廳格局走工業風，環境闊落坐得幾舒服。同朋友叫左一份頭盤脆炸魷魚圈，大大舊外面炸得脆脆，魷魚幾爽口。主食叫左慢煮脆皮豬腩跟西班牙海鮮飯。豬腩的肉跟脂肪比例剛好，入口唔會太油膩，皮焗得好脆口，配菜有薯仔沙律同甘荀，配搭不錯。西班牙海鮮飯熱辣辣，有青口，青豆，雞肉，青口焗左變得好細粒，自己平時食得比較清淡，呢個飯對我來說味道比較濃，鐘意重口味既人應該會較喜歡。星期一做緊主菜買一送一，係幾抵食。