壹壹漁一 (Closed)

香港人都係鍾意打邊爐，今日放工約左位朋友係附近食飯，天氣凍凍地又想打邊爐，但又想搵個靜小小既地方傾下計，之前食飯行過都見過依間餐廳既招牌，上網睇下又好似幾好，所以就約埋朋友黎食下。 首先分享下環境，依間餐廳就係酒店入面既，環境係寧靜，座位舒服，有別於一般火鍋店，當然個D 火鍋店係熱鬧，但有時如果想靜靜地傾下計，依度都係一個唔錯既選擇。 另一樣我覺得良好既係餐廳整潔，配料用好精美既樽裝住，乾淨得黎又高貴。 食品方面有套餐有單點，套餐主要係二人餐，有龍蝦海鮮火鍋餐，728元兩位，刺身火鍋套餐，788元兩位，同埋仲有蝦/象拔蚌刺身，698元/728元兩位。另外唔夠仲可以單點。同朋友商量之後，就揀左龍蝦海鮮火鍋。 湯底方面都有幾多種，有六種免費，但我地都想試下一D 特別D 湯底，所以就揀左花膠椰子燉竹絲雞鍋。鍋底都好足料，有烏雞同埋花膠，打邊爐之前侍應幫我地裝反碗湯飲左先，湯鮮甜仲有花膠食，都幾補下。 跟住就落湯再打邊爐，每樣材料都好新，海鮮盤有一隻龍蝦開邊、有蠔、蜆、尤魚同埋鮮魚片。肉就有澳洲M4和牛同埋日本豚肉。 海鮮新鮮，龍蝦啖啖肉，牛肉牛味濃，而且嫩滑唔韌，豬肉小小肥。之後食埋個烏冬，