Video
Read full review
2016-02-06
601 views
明知故犯，以身試法，就梗喺唔好啦，不過，見好幾位相熟食友均大讚西港城對面Tartes & Pop嘅法式甜撻點正點正，就當然要以身試「法」啦！的確，單睇賣相已相當吸引，嗜甜嘅小弟又點可以錯過，話晒食完晏行過嚟都好快。一室白與橙對襯，寧舍醒目有活力，整間店裝修俐落，一邊高脚枱櫈，一邊餅櫃，餅房就晌後面，偷偷哋都可以睇到餅廚做餅。晌長枱嘅一邊，放有幾本本地嘅飲食雜誌，原來喺佢哋嘅報導，真懂得宣傳之道。做飲食煮到曉飛都無用，最怕喺無人知、無人懂欣賞啫。經店主簡單介紹（佢成日滿面笑容，又高大有型，相信冧死唔少女生），原來店內有8款恆常嘅主打款式，另加一款每月之星，所有出品都每日新鮮製作，用料講究，更有不少喺法國貨，款款單價只賣$45。急不及待，就往餅櫃處左瞄右瞄，一排9款法撻，五顏六色，琳瑯滿目咁引誘客人，實在吸引鬼死，都唔知揀邊一款好呀！想就梗喺想一次過試晒啦，一次過帶返屋低慢慢嘆，實際就應該唔會喇。不過，如果你真喺想咁，又或作為散水餅，買嚟公司搞派對用，有一盒9件嘅禮盒裝（$400），其實只喺平$5，如果打番個九折，相信吸引力更大。此外，如口太過講求精緻嘅造型，仲有另一個選擇，就喺一盒16件
一室白與橙對襯，寧舍醒目有活力，整間店裝修俐落，一邊高脚枱櫈，一邊餅櫃，餅房就晌後面，偷偷哋都可以睇到餅廚做餅。
晌長枱嘅一邊，放有幾本本地嘅飲食雜誌，原來喺佢哋嘅報導，真懂得宣傳之道。做飲食煮到曉飛都無用，最怕喺無人知、無人懂欣賞啫。
經店主簡單介紹（佢成日滿面笑容，又高大有型，相信冧死唔少女生），原來店內有8款恆常嘅主打款式，另加一款每月之星，所有出品都每日新鮮製作，用料講究，更有不少喺法國貨，款款單價只賣$45。
急不及待，就往餅櫃處左瞄右瞄，一排9款法撻，五顏六色，琳瑯滿目咁引誘客人，實在吸引鬼死，都唔知揀邊一款好呀！
想就梗喺想一次過試晒啦，一次過帶返屋低慢慢嘆，實際就應該唔會喇。不過，如果你真喺想咁，又或作為散水餅，買嚟公司搞派對用，有一盒9件嘅禮盒裝（$400），其實只喺平$5，如果打番個九折，相信吸引力更大。
此外，如口太過講求精緻嘅造型，仲有另一個選擇，就喺一盒16件嘅迷你法撻禮盒，水準相信一樣，只喺賣相精簡啲，只賣$350，家中搞派對都幾啱，細細件，一啖一件。
未講甜撻嘅味道，先講包裝，每一件都獨立以小紙盒包裝，而小紙盒設計精緻型格，又有個小挽手，猶如女生嘅小手袋，非常有心思。兩件小餅，拎到返公司，沖杯蒸餾咖啡，慢慢嘆，不知幾爽。
香橙伯爵茶撻（Orange Earl Grey）$45一向都幾鍾意伯爵茶朕味，配香橙唔知效果又如何？上層喺伯爵茶忌廉迷你泡芙，先食個泡芙小蓋，軟熟而帶少少脆口，而內裡嘅伯爵茶忌廉好有伯爵茶茶味，加上忌廉打得綿綿柔滑，好有水準；至於撻底極之鬆脆，面層塗上一層香橙果蓉醬，鮮香怡人，非常有自然嘅橙香。再試一試一口過泡芙夾甜撻放入口，茶香中有點酸甜，感覺幾有趣。
香橙伯爵茶撻
$45
89 views
1 likes
0 comments
蘋果焦糖撻（Apple Caramel）$45焦糖嘢向來喺小弟「飛弗」，所以，一眼就相中依一款甜撻。表面上或許喺眾多款中最平平無奇，但有啲嘢喺真人不露相，切開一望撻皮做得非常薄，入口甘金脆口；墊底有軟綿嘅海綿蛋糕，最落嚟就喺厚厚嘅焦糖蘋果蓉，清甜中慢慢滲出焦糖嘅甜蜜，又帶少少果肉，啱晒自己口味，好食！
蘋果焦糖撻
$45
52 views
1 likes
0 comments
雖然甜撻喺拎走食嘅，但臨走時店主問我要唔要杯咖啡飲吓，原來，任何時段佢哋都提供免費咖啡或熱茶，仲可以添飲，晌寒冷嘅冬天，更感窩心。或者，留待下次小弟堂食先嘆佢啲咖啡！
法國人對飲食嘅熱情，完全可以反映晌佢哋嘅甜撻之上；但佢哋待客嘅熱情，一樣可以從一杯咖啡、熱茶中反映出嚟！
Post
