Video
Read full review
2023-03-06
79 views
適逢重要日子，梗係要食餐好，搵咗好耐就發現咗呢一間係鬧區中嘅隱世餐廳，門口極度低調，唔睇清楚啲都唔知呢度有間日式餐廳🤣以Omakase來講其實價錢唔算好貴，主要嘅食材就係雞，我哋每人叫咗一個餐，希望可以試到唔同部份嘅雞。兩個餐嘅差別其實唔算好大，不過8串呢一個餐就可以試到平時比較少見嘅雞頸， 而10串餐就可以試到多啲雞以外嘅料理值得一讚嘅係，呢度服務超周到，每上一道菜店員都會簡單介紹，俾我哋知道自己食緊啲咩先嚟一碗濃香雞湯配免治雞肉🍲湯味超清新，雖然細細碗但係材料絕對唔會馬虎，聽聞廚師熬製咗好耐，入面有自家製雞丸、芹菜、蔥頭等，非常適合用作食濃味嘢前嘅開胃菜👍🏻然後就嚟到唔同類型嘅雞肉串😆雞柳廚師特登燒到唔係全熟，食落去就更加嫩滑，10串餐就配魚子醬，8串餐就配wasabi，店員建議可以先食原味，然後再加七味粉或生椒粉，睇吓食落去嘅分別🤔雞頸超推薦！ ！ ！雞肉帶有軟骨，身為一個鍾意食爽口嘢嘅人，覺得呢一串超彈牙同煙韌，平時出邊都未必有得食🥲雞胸超Juicy勁多肉汁！廚師特登燒到脆皮，啖啖都係炭火味😋帆立貝三文魚籽可以一分為二，先食原味，另一串就添上wasabi，食得出好新鮮，加咗Wa
以Omakase來講其實價錢唔算好貴，主要嘅食材就係雞，我哋每人叫咗一個餐，希望可以試到唔同部份嘅雞。兩個餐嘅差別其實唔算好大，不過8串呢一個餐就可以試到平時比較少見嘅雞頸， 而10串餐就可以試到多啲雞以外嘅料理
值得一讚嘅係，呢度服務超周到，每上一道菜店員都會簡單介紹，俾我哋知道自己食緊啲咩
先嚟一碗濃香雞湯配免治雞肉🍲湯味超清新，雖然細細碗但係材料絕對唔會馬虎，聽聞廚師熬製咗好耐，入面有自家製雞丸、芹菜、蔥頭等，非常適合用作食濃味嘢前嘅開胃菜👍🏻
然後就嚟到唔同類型嘅雞肉串😆
雞柳
廚師特登燒到唔係全熟，食落去就更加嫩滑，10串餐就配魚子醬，8串餐就配wasabi，店員建議可以先食原味，然後再加七味粉或生椒粉，睇吓食落去嘅分別🤔
雞頸
超推薦！ ！ ！雞肉帶有軟骨，身為一個鍾意食爽口嘢嘅人，覺得呢一串超彈牙同煙韌，平時出邊都未必有得食🥲
雞胸
超Juicy勁多肉汁！廚師特登燒到脆皮，啖啖都係炭火味😋
帆立貝三文魚籽
可以一分為二，先食原味，另一串就添上wasabi，食得出好新鮮，加咗Wasabi都唔會蓋過鮮味👍🏻
味噌白蘿蔔
喺Omakase嘅中段上菜，感覺就好似俾自己唞一唞，每一口都係清新可口嘅白蘿蔔湯味，上面仲有白菜仔同埋超可愛嘅茄子年糕🍆
雞腎變雞心
由於咁啱賣晒雞腎，所以就轉咗做雞心🤣第一下聽到嘅時候心裏嚇一嚇，因為本身有啲驚腥味🥲不過食落去完全冇呢一個問題！廚師提醒我哋要落生椒粉嚟balance腥味，由於雞心新鮮所以食落冇想像中咁腥，肉質淋厚而彈牙，唔講真係唔知食緊心😛
雞腿
同雞胸有啲似，硬身啲實啲，外皮有啲焦香😙
雞尾
少少肉連肥膏，少少膩🙈
生麩磯邊燒
烘過既紫菜中間夾住帶有芝士嘅麵筋，食落似年糕，趁熱食一啲都唔膩！
沖繩酸拌海蘊
酸酸甜甜嘅海藻，入面仲有花同薑味，好開胃🐝
時令蔬菜-菇
勁Juicy🤤🤤秘製醬汁，咬落滿口高湯😋
自家製月見免免治雞肉
將燒到脆口嘅免治雞肉串浸入攪勻好嘅蛋液，軟身得嚟又香口😋
和牛西冷
蘸岩鹽or Wasabi都得✅燒到三五成，食落軟淋淋，不過略嫌牛味稍少🙈
三元豬柳
三元豬，係由三種豬混種而成，肉質相對乾身啲，厚身而不韌，加上黃芥辣一齊食又係另一種風格👏🏻
雞肉茶泡飯
飯上面有蛋絲同雞絲料，另附上紫菜、玄米粒、柚子胡椒，可以按照個人口味而調味👍🏻湯嘅份量都比想像中多，雞味十足，絕對冇偷工減料，配埋玄米粒一齊食好有口感！🫶🏻
雞白湯拉麵
同泡飯一樣，麵上有雞絲，湯底同樣濃郁，麵質夠曬煙韌😆
自家製布甸 配黑糖菓子
布甸入口即溶，超滑而蛋味濃郁，配埋果子一齊食可以解膩😋😋
夾餡雪糕
有啲似三文治雪糕🥪好脆嘅櫻花皮🌸入面夾住紅豆同雲呢拿雪糕，「咔」一聲，同時滿足咗軟硬口感🫶🏻
Post
