Video
Read full review
2017-03-10
3506 views
今日路過呢間泰國餐廳，見佢個環境都相當唔錯，揭吓餐牌發覺仲要非常抵食添，所以就入去試下喇。泰式酸辣鳳爪，以套餐加十蚊嚟講，個份量都算多，都有成四五隻，鳳爪味道偏酸，啱哂鍾意食酸嘢嘅我，墊底嗰啲生菜同洋蔥都相當新鮮，食完啲鳳爪都忍唔住食埋佢地。素菜春捲，春捲嘅外皮炸到脆卜卜，裏面嘅餡料多到密質質，點埋佢個酸魚露就可以中和油炸後嘅滯膩感啦。生蝦刺身，啲蝦隻隻都好大隻，攤番開有成半隻手板咁長，食得出肉質極到新鮮，因為嗰陣鮮甜嘅味道，唔新鮮嘅生蝦係無可能做到，點少少酸辣汁，再夾埋佢塊生蒜片同埋辣椒一齊食，就係至正宗嘅享受喇。海南雞飯，首先飲啖湯先，個味道啱啱好，仲隱約飲得出少少肉骨嘅香味，啲雞肉夠哂嫩滑，不過如果啲雞味再濃一啲相信會更加好。特別喜歡佢嗰三個醬汁都夠哂多，而個黑豉油簡直係靈魂啊，鹹甜平衡得嚟仲有好香嘅酒味， 個薑蓉就比起其他餐廳嗰啲海南雞少油，入口冇咁油膩，啱哂我呢啲怕肥嘅妹豬。冬陰功湯檬粉，配料方面揀咗辣豬肉碎，手撕雞，炸魚腐同埋金菇，檬粉一放低已經椰香撲鼻，舀啖湯試下先，唔，係好正宗嘅冬陰功味，再撈勻埋啲辣豬肉碎，再辣多三分，正。手撕雞嘅份量相當豐富，我食哂啲檬粉都仲有手撕雞
今日路過呢間泰國餐廳，見佢個環境都相當唔錯，揭吓餐牌發覺仲要非常抵食添，所以就入去試下喇。
泰式酸辣鳳爪，以套餐加十蚊嚟講，個份量都算多，都有成四五隻，鳳爪味道偏酸，啱哂鍾意食酸嘢嘅我，墊底嗰啲生菜同洋蔥都相當新鮮，食完啲鳳爪都忍唔住食埋佢地。
素菜春捲，春捲嘅外皮炸到脆卜卜，裏面嘅餡料多到密質質，點埋佢個酸魚露就可以中和油炸後嘅滯膩感啦。
生蝦刺身，啲蝦隻隻都好大隻，攤番開有成半隻手板咁長，食得出肉質極到新鮮，因為嗰陣鮮甜嘅味道，唔新鮮嘅生蝦係無可能做到，點少少酸辣汁，再夾埋佢塊生蒜片同埋辣椒一齊食，就係至正宗嘅享受喇。
海南雞飯，首先飲啖湯先，個味道啱啱好，仲隱約飲得出少少肉骨嘅香味，啲雞肉夠哂嫩滑，不過如果啲雞味再濃一啲相信會更加好。特別喜歡佢嗰三個醬汁都夠哂多，而個黑豉油簡直係靈魂啊，鹹甜平衡得嚟仲有好香嘅酒味， 個薑蓉就比起其他餐廳嗰啲海南雞少油，入口冇咁油膩，啱哂我呢啲怕肥嘅妹豬。
冬陰功湯檬粉，配料方面揀咗辣豬肉碎，手撕雞，炸魚腐同埋金菇，檬粉一放低已經椰香撲鼻，舀啖湯試下先，唔，係好正宗嘅冬陰功味，再撈勻埋啲辣豬肉碎，再辣多三分，正。手撕雞嘅份量相當豐富，我食哂啲檬粉都仲有手撕雞剩啊。
餐飲嗌咗藍天梳打，賣相好靚，有少少紫色咁樣，夢幻得嚟有帶有少少浪漫，飲落唔太甜之餘仲帶有少少蝶豆花嘅香味，咁就證明無添加到化學成分啦。下午茶時段原來會平幾蚊㗎，唔怪得臨走嗰陣座無虛席，仲有啲人喺度排緊隊等位啦。
Post
