Video
Read full review
2017-08-30
449 views
替友人到灣仔會展攞入場證，辦完事後，約定喺港鐵站會合，然後再一起去吃晚飯。友人知我經常四出覓食，問我可有甚麼心水推介。其實每次同家人或朋友外出用膳，選擇餐廳和點菜的任務，大多數都會落在我身上，所以今次就決定躲躲懶，一於交由友人代勞。友人提議近近地，去熙華大廈嘅「東園酒家宴會廳」，也好，反正就在對面馬路，方便快捷。沿著樓梯拾級而上，宴會廳地方頗大，以寬敞舒適為賣點，裝潢高貴優雅，採用了純白和紫色為主調，營造出一派浪漫法式宮廷風，配合天花垂掛著嘅大型水晶燈，瑰麗而不落俗套。入座後，先揭開檯上金光閃閃的餐牌，再逐頁細看，食物分門別類，有生猛海鮮、小食湯羹、珍饈百味、明爐燒烤、東園品味、青蔬豆腐、家常小菜、煲仔小菜、飯麵甜點，全部中英對照。另外亦有一些大廚推介菜式，如淮杞螺頭燉翅群、晚飯三寶、黃尾花躉兩味、是日靚湯：金銀菜煲隔山肉等。至於茶錢方面，茗茶每位 $11、酸菜每碟 $15、白飯每位 $10、白粥每位 $10，如自攜酒水就每瓶收 $50。這晚前菜小食是平日比較少碰見嘅涼拌貢菜 ($15)，挾起一看，色澤鮮綠，質地非常爽脆，而且辣度溫和，醒胃可口，有助驅趕濕氣，就算唔嗜辣的朋友都啱食。友
替友人到灣仔會展攞入場證，辦完事後，約定喺港鐵站會合，然後再一起去吃晚飯。友人知我經常四出覓食，問我可有甚麼心水推介。其實每次同家人或朋友外出用膳，選擇餐廳和點菜的任務，大多數都會落在我身上，所以今次就決定躲躲懶，一於交由友人代勞。友人提議近近地，去熙華大廈嘅「東園酒家宴會廳」，也好，反正就在對面馬路，方便快捷。
沿著樓梯拾級而上，宴會廳地方頗大，以寬敞舒適為賣點，裝潢高貴優雅，採用了純白和紫色為主調，營造出一派浪漫法式宮廷風，配合天花垂掛著嘅大型水晶燈，瑰麗而不落俗套。
入座後，先揭開檯上金光閃閃的餐牌，再逐頁細看，食物分門別類，有生猛海鮮、小食湯羹、珍饈百味、明爐燒烤、東園品味、青蔬豆腐、家常小菜、煲仔小菜、飯麵甜點，全部中英對照。另外亦有一些大廚推介菜式，如淮杞螺頭燉翅群、晚飯三寶、黃尾花躉兩味、是日靚湯：金銀菜煲隔山肉等。至於茶錢方面，茗茶每位 $11、酸菜每碟 $15、白飯每位 $10、白粥每位 $10，如自攜酒水就每瓶收 $50。
這晚前菜小食是平日比較少碰見嘅涼拌貢菜 ($15)，挾起一看，色澤鮮綠，質地非常爽脆，而且辣度溫和，醒胃可口，有助驅趕濕氣，就算唔嗜辣的朋友都啱食。
友人之前曾在這裡嘗過一席「秋日龍躉心動宴」，覺得食物水準唔錯，尤其是對當中嘅「清蒸龍躉」，更是讚不絕口，見點菜紙上有黃尾花躉兩味 ($238)，嚷著要重溫。龍躉菜式「一魚兩味」，包括有：雲耳金瓜蒸龍躉頭腩同清脆淮山炒躉球。前者選用了油脂豐腴的龍躉頭腩入饌，配合蒸煮方法，不但能突出其魚油香味，而且令肉質嫩滑的魚腩位，入口變得更為順滑，帶陣陣魚鮮；加上雲耳和南瓜一起蒸煮，既養生又好吃。
至於另一味清脆淮山炒躉球，龍躉起肉後以淮山、蜜豆、紫洋蔥、雜菇和紅椒等同炒。挾起魚肉一看，色澤雪白，紋理凹凸有緻，賣相對辦。馬上一試，肉質果然不俗，結實有嚼勁，入口啖啖肉、帶魚肉鮮甜，加上魚皮膠質勁豐富，以淮山伴吃，爽口開胃，健康有益。
食完龍躉，仍有點意猶未盡，一於再揀多味海鮮，選了這客貴妃脆蝦球 ($138)，虎蝦去殼沾粉後炸香，上桌時見粒粒大如乒乓球，色澤金黃，賣相吸引。咬開外層，炸漿既均勻又夠薄，咬下卜卜脆，而入面嘅蝦肉，亦夠曬彈牙鮮美，蘸點蜜糖吃，特別醒胃。
平日經常外出用膳，多肉少菜，壓尾就決定揀個素菜來平衡一下。這客荷花鼎湖上素 ($88)，外型非常煞食，用上心心外形做賣點，配以時令素菜。上桌後馬上舀起一看，嘩！用料甚豐，除了有爽甜的豆角、雜菌、白果外，還有杞子、馬蹄、蓮藕、木耳等，夠曬大堆頭。而筆者就尤其喜愛伴吃的芋蓉，炸得香鬆酥化，就算多吃兩口也不覺膩。
飯後竟然還有甜品送，有紅豆沙和綠豆沙，沒試友人的綠豆沙，而我揀嘅紅豆沙，雖然沒煲至起沙，但甜度適中，紅豆粉綿香甜，味道亦不俗。能舒舒服服地和友人天南地北、胡扯了一晚，真一樂也。
Post
