Video
Read full review
2024-07-31
1099 views
星期六下午兩點幾去到，因為附近其他餐廳都排隊，見呢間唔洗排就試下，喺門口已見到有吉枱 (大枱)，吧枱都有位，店員話有張二人枱執緊，叫我哋等執好才入，點知等了一陣有另兩個人取了飛，店員就竟然叫我哋都取飛，明明係話執好就入得，而家變咗排第二，之後店員問我哋，有吧枱坐唔坐，咁我哋就話OK，點知問完我哋後，佢又去問攞了飛的那兩個人，對方又答無所謂，店員就話因為人哋張飛係先的，所以要俾對方先，咁你就唔好走嚟問我哋啦，我懷疑佢發緊夢都唔知自己做緊咩！ 入座後點了餐，足足等了廿幾分鐘才上餐，當時只約有6-7成客人，都要等咁耐，仲要限時一個鐘，仲要食物都唔係熱的，咁先至激氣！唯一OK係天婦羅夠脆身，但係入面是暖的，最離譜個天婦羅汁係冰凍的，從未見過係用雪凍的汁，點完汁後，外層是凍，入面是暖，真係唔知自己食緊咩！麵豉湯勁咸，我朋友都算係食開重口味的人，都話好咸，鰻魚飯同樣係唔熱，只係暖。另一差勁食品係所謂的和牛烏冬，其實都預咗只係肥牛，邊會有和牛俾你食，但連烏冬都差就真係劣！烏冬明顯係一早已煮定，我要用筷子摷散啲烏冬，因為已結成一舊舊，碗好細，湯好少，混在唔熱的烏冬中，整碗嘢只係溫溫哋，最勁係可以煮到啲
入座後點了餐，足足等了廿幾分鐘才上餐，當時只約有6-7成客人，都要等咁耐，仲要限時一個鐘，仲要食物都唔係熱的，咁先至激氣！
唯一OK係天婦羅夠脆身，但係入面是暖的，最離譜個天婦羅汁係冰凍的，從未見過係用雪凍的汁，點完汁後，外層是凍，入面是暖，真係唔知自己食緊咩！
麵豉湯勁咸，我朋友都算係食開重口味的人，都話好咸，鰻魚飯同樣係唔熱，只係暖。
另一差勁食品係所謂的和牛烏冬，其實都預咗只係肥牛，邊會有和牛俾你食，但連烏冬都差就真係劣！烏冬明顯係一早已煮定，我要用筷子摷散啲烏冬，因為已結成一舊舊，碗好細，湯好少，混在唔熱的烏冬中，整碗嘢只係溫溫哋，最勁係可以煮到啲烏冬好稔完全無咬口，收呢個價錢，用嘅唔係急凍烏冬，細細碗都要用cheap cheap 烏冬！
我個餐是包甜品，原來係一小碟水果，但無餐具，問侍應攞，佢嘅覆回係：「我哋無叉喎，枱上有牙簽！」真係估佢唔到。
服務唔洗講，梗係無啦，隔離枱叫斟茶，兩張枱咁細咁近，我哋兩杯都飲晒都唔會順便斟埋！
一個set連加一要HK$180多，但食物係food court 質素，亦無服務，仲要限時一個鐘，無人排隊真係有原因㗎！
Post
