大興餐廳 (第尾牛扒) (Closed)

行街行到10點，本來諗住凍凍地去打下邊爐，點知小肥羊成百幾蚊/位，所以就揀左平D既牛扒，一入到去，waiter 都好快咁安排位置俾我同男友，但叫完野食之後，等左半個鐘都仲未有得食，眼見D人都已經食完，自己都仲未有得食，問：我地叫左野食，但好耐都未黎...答：你地叫左D咩?當聽到佢咁講都心知不妙，但我地都係重覆咁話左俾佢聽，又等，等多15分鐘，先有得食...食物既味道同質素都好一般，根本就唔值得等咁耐….肉眼牛扒：勁多根，每食一口都有渣…好多醃肉粉味，唔好食牛柳餐：D肉質好D，無咩根，但都係唔好食當我地食完之後，就問佢有無甜品，佢就拎左2個雪糕過黎，但係個雪糕有D雪味，好淡味…結賬要170元，早知去食金鳳都好過佢。